Faaru 72 - KITAABA WAAQA

¹ Ee Waaqa, d'uga teetiini hayyu barsiisi; qajeeluma tante isalee qoodi,

² aka inni gumi tante d'ugaani fide, nama nami dabsu qajeelumani bulchu.

³ Gaareeni ha waan nami horatu baaftu kubileeni ha d'ugaani namaa d'uftu.

⁴ Hayyichi ha hiyyeesa d'uga gula qore nama woma inqamne qarqaare, nama nama dabsule balleesu.

⁵ Gumiini tante haga aduufi jii jiru ch'ufa ha si kad'atuti, haga jiru jireennale.

⁶ Hayyichi ha bokaya oobruti roobufi ebele lafati roobdu fakaatuti.

⁷ Haga inni jiru d'ugaani ha jiraatu, haga lafti ifsa jiaa qabdu nami ha woi horatu.

⁸ Inni ha muumme baariini ch'ufaati d'aabe lafa mohatuti, haga galaana Efratifi muumme lafale.

⁹ Nami lafa gamooji tau isa durati gajejed'e, nyaapi isaaleeni miila isaa jaalati jijiga.

¹⁰ Hayyooti Tarshishitifi ta lafa d'aatu bisaani jirtuleeni damoosa isaa baafti. Hayyooti Araftitifi ta sidaama woi isaa baafti.

¹¹ Hayyooti ch'ufti isaa durati jilbifate, gochiti ch'ufti isaa hojatti.

¹² Inni hiyyeesa isa yaamatufi nama qarqaarsa inqamne, ka nami d'ibiini lakise, baasa.

¹³ Inni nama hiyyeesa laafa woma inqamnnee nahe, gaargala keesaa baasa.

¹⁴ Inni harka nama worra d'aane dabsu keesaa baase, lubbu worrale jabeesa.

¹⁵ Lubbuuni hayyu ha d'eeratuti! Worqi lafa Arafti ha isaa kennaniti; hojja ch'ufa ha Waaqa isaa kad'atani, inni eeba Waaqale ha argatuti!

¹⁶ Mid'aani ha bahani lafa ira dabraniti; mid'aani sunini ha kubilee ch'ufa ira guutani, mid'aani Lebanoni fakaataniti. Akuma buuyooni lafa guutte dirale ha nami keesa guututi.

¹⁷ Maqaani hayyu haga jiru imbadiini; guuri isaa haga aduuni jirtu ha jiraatuuti. Gochiti ch'ufti ha isa faarsite, Waaqa kad'ate, Nu eebisi jettuti, worri hayyule ha eebisuti.

¹⁸ AABBO Waaqa Israeli ha faarsaniti! Waan mama kana ch'ufa isuma ch'allati tolcha.

¹⁹ Maqa isaa dansa haga jiru jireenna ha faarsani! Guddinni isaa ha lafa ch'ufa guututi. Amini! Amini!

²⁰ Kad'achaani Daudi ilma Yese armati hobaati.