Faaru 65 - KITAABA WAAQA

¹ Ee Waaqa, aki nu Sioni keesa si faarsine, kakhu teenna si durati guunnu fullaa;

^2-3 wonti akanatiifi atini kad'acha namaa d'ageeta. Nami maro daba ufiitiifi fulla ch'ufaa siti gad'ufu male. Wollaali keenna nu dabsata, ammo atini nuu araaramta.

⁴ Ayyaana isaniti, ka atini fohate Mana kanke qulqullooti galchitu. Nu waan dadansa mana kanketi guunne, eeba Mana kanke qulqullo arganna.

⁵ Atini dabsacha nu kennite, waan mama tolchite nu baafte, akasiini kad'acha teenna nuu d'ageete. Nama lafa keesa jiru ch'ufafi ka galaana gama jiruleeni ch'ufti si abdata.

⁶ Atini jabeenna keetiini gaareeni fulla isii d'aabde, akasiini irre tante garsiifta.

⁷ Atini d'awa baariini ch'allisifte, dibbeesa d'awale ballisite, gohanna namale ch'allisifte.

⁸ Waan atini tolchite arginaani lafti ch'ufti mamte, wonti atini tolchite nama muumme lafaa jirule ch'ufa ingammachiifti.

⁹ Atini bokaya ergite akasiini lafa qorqorate, sagale iti baafte mid'aasita. Laga bisaanini guute, lafale mid'aani iti baafte. Aki atini waan kana tolchitu akana:

¹⁰ atini oobru qotani tamna bokayaa iti roobde bisaani quubsite; atini biyye ebeleeni lalaafifte, mid'aani oobrani lafaa baafte.

¹¹ Dansumti tante waan akami namaa kenniti! Fulla atini deemtu ch'ufa quufati jira.

¹² Lafa horiini tikhatu ch'ufa horiini keesa guute lape gaareeni ch'ufa irati gammadani.

¹³ Fulla horiini oolu ch'ufa hooliyeeni keesa guute, baleele ch'ufa dargayeeni keesa guuti. Wonti ch'ufti gammade sirbiti.