Faaru 64 - KITAABA WAAQA

¹ Ee Waaqa anini gaargala qaba, kad'acha tiyya naa d'agayi anini nyaapa kiyya ya sodaad'e, lubbu naa baasi!

² Mala gumi ch'ubbiti seseega yaatu jalaa na baasi.

³ Worri aka goraade araba ufii qare, dubbi hamtu aka t'iya abbira.

⁴ Worri yoosu dubbi ch'eeraa ta kiyyiba dubbate, nama dansale soda male arabse, gurra isaa balleesa.

⁵ Worri mala worraa hama suni keesa woljabeese, fulla t'urura ufi kayu malate waan jed'u, Nami tokoleeni inargu.

⁶ Worri mala hama d'aate waan jed'u, Nu yayu mala dansa namaani balleesinu malanne. D'uguma heregaafi qalbiini namaa waan nami beekhe hubatuniti.

⁷ Ammo Waaqi t'iya ufii darbe, maro tokotu worra woraane madeesa.

⁸ Maro dubbi worraatifi inni worra balleesa; nami worra argu ch'ufti mata gingilfata.

⁹ Duuba nami ch'ufti sodaate, waan Waaqi tolche herege, huji isaa odeesa.

¹⁰ Nami d'ugaa qajeelani ch'ufti waan AABBO Waaqi tolche iraa gammada. Worri dansaani ch'ufti fulla isaati baqate, arti nagaya argate isaa faarsa.