Faaru 57 - KITAABA WAAQA

¹ Ee Waaqa naa nahi anini siti baqad'a, naa nahi. Anini haga gaargali badii kunini hobauti, gaadisa koola keeti jalati d'okhad'a.

² Anini Waaqa gudda, ka waan ch'ufa ira jiru, ka waan anini fed'u ch'ufa naa kennu, yaamad'a.

³ Inni qonqo gubbaa gadi erge na baase, nama na dabsule dabsata. Waaqi jaalala isaa ta ind'umanneefi d'uga isaa na garsiisa.

⁴ Nyaapa aka gorjama jiruti na marse, ka gaadeeni isa woraanafi t'iya fakaate, arabi isaaleeni goraade qara qabdu fakaatu.

⁵ Ee Waaqa, jabeenna kanke gubbaa garsiisi, lafa iraleti guddinna kanke garsiisi.

⁶ Nyaapi kiyya t'urura naa kaye, gaargali guddaani na qabate. Worri boola kara keesati naa qote ammo ufi keesa bue.

⁷ Ee Waaqa, garaani kiyya ya jabaate, anini faaru d'aad'e si faarsa!

⁸ Lubbu tiyya kai! Kiraariifi dibbe tiyya kaa! Anini adule lafaa kaasa.

⁹ Ee AABBO, anini lafa ch'ufa keesati galata si deebise, gosa ch'ufa keesati si faarsa.

¹⁰ Jaalalti tante ta ind'umanne gubba geeti; d'ugaani tanteeleni dumansati ejiti.

¹¹ Ee Waaqa, jabeenna kanke gubbati garsiisi lafa iraleti guddinna kanke garsiisi.