Faaru 56 - KITAABA WAAQA

¹ Ee Waaqa, nyaapi halkani guyya na gusse na ijeesuu fed'a naa nahi.

² Guyya ch'ufa nami nani morku na had'e worri na had'u sunini nama muumme inqamne.

³ Ee AABBO Waaqa gudda, hojja anini woi sodaad'u nami anini abdad'u siuma.

⁴ Anini Waaqa abdad'a, womale insodaad'u; anini maro kakhu isaatiifi isa faarsa, nami maani na tolchu dandaa?

⁵ Nyaapi kiyya halkani guyya na yake, hojja ch'ufa aka na balleesu malata!

⁶ Worri wolti bahe d'okhate, gaade na ijeesuu fed'a.

⁷ Ee Waaqa maro ch'ubbu worraatifi worra gaargalchi, dallansu tante keesa worra dabsad'i.

⁸ Atini gaargala kiyya imbeeta; imimaani kiyya qeesite, waan suni kitaaba kanke keesati t'aafte?

⁹ Guyya anini si yaamad'u nyaapi kiyya nara gaargala. Anini waan kana imbeekha: Waaqi gama kiyya jira —

¹⁰ inni AABBO Waaqa, ka anini dubbi isaa faarsu.

¹¹ Anini woma insodaad'u. Nami anini abdad'u isuma, nami maani na tolchuu dandaa?

¹² Ee Waaqa, anini waan si durati kakhad'e inuma guuta; anini sorio si baase, akasiini galata sii deebisa;

¹³ wonti akanatiifi atini dua keesaa na baafte, badi na d'owarte. Tanaafi anini Waaqa dura ifsa isaa ka inni nama jiru ifsu, keesa deema.