Faaru 52 - KITAABA WAAQA

¹ Ee nama jaba, atini maafi jabeenna keetiini koorta? Jaalalti Waaqaa ta jiru jireennaati.

² Atini mala namaani balleesitu d'aata, arabi kanke aka haadu qara qaba. Atini guyya ch'ufa d'ara dubbatta.

³ Atini waan dansa ira waan hamtu jaalatta, d'uga ira d'ara jaalatta.

⁴ D'articha, atini guyya ch'ufa nama nyaachu feeta!

⁵ Tanaafi Waaqi haga jiru jireenna si balleesa; inni si fuud'e, mana kanke keesaa si baase, si ijeese, lafa tana iraa si balleesa.

⁶ Nami d'uga waan suni arge sodaate, si koble waan jed'u,

⁷ Me laala, nama Waaqati ind'eenne, ammo ka hori isaa gudda abdate, nama balleese, akasiini irre horate, irre ufii suni abdatu.

⁸ Ammo anini mukha ejersa, ka Mana Waaqa keesati bahu, fakaad'a; anini jaalala isaa ta ind'umanne haga jiru jireenna d'ugeefad'a.

⁹ Waan atini naa tolchite ch'ufa anini galata sii deebisee, gumi tante durati dansuma tante odeesa.