Faaru 49 - KITAABA WAAQA

¹ Nama lafa tana keesa jiru ch'ufa! Dubbi tana d'agaya!

² Diqaafi gudda, dureesafi hiyyeesa, wolumaani ch'aqasa.

³ Anini guddo woi herega, dubbuma qaro ch'alla dubbad'a.

⁴ Anini mammaasa ch'aqase, ato kiraari d'au, waan isaa ch'ufa hima.

⁵ Hojja lafti gaargala qabdu, ka nyaapi na marse, anini insodaad'u,

⁶ nama hamama, worra hori ufii abdate beese ufii ch'alla d'aada yau.

⁷ Nami dandae ufi imbittu; inni dandae gati lubbu isaa Waaqaa imbaasu;

⁸ wonti akanatiifi gatini namaa guddo. wonti inni baasu dandau,

⁹ awaala isa hanqifte haga jiru jireenna isa injirreesitu.

¹⁰ Nami ch'ufti inarga, aka qaroofi daalleefi sirgolleeni due, hori ufii ilmaani ufiiti lakisu.

¹¹ Awaali worraa haga jiru jireenna worruma isaanii taha. Haguma jiru worri achuma taha, ato duri lafa ufii qabatele.

¹² Horiini dandae nama duu ind'owu, ato qabatele inni akuma bineensi duu dua.

¹³ Me, waan nami ufi abdatu tahu ilaala, waan nami hori ufii d'aabatu tahu herega.

¹⁴ Worri suni akuma hori hobaa, tissituuni worraaleeni duisa. Nami d'ugaa worra dabsate, ka reefi worraa boola ekheraa, ta worra isaani ira fagooti shamuu jiru!

¹⁵ Ammo Waaqi boola dua keesaa na fuud'e, na baase, ufiti na deebisa.

¹⁶ Hojja nami woi horate, horiini isaa lafa iraa dabre, waan isaa heredde ufi ingaargalchini;

¹⁷ inni hojja duu hori suni woliini induu, yokhaani horiini isaa isa woliini boola inseenu.

¹⁸ Ato nami jireenna lafa tana quufe, maro inni woi horateefi inni gurra baafatele,

¹⁹ inni ekhera worra isaani ka duri dueti galla, fulla haga jiru jireenna dukanti jirtu.

²⁰ Horiini dandae nama duu ind'owu ato qabatele inni akuma bineensa dua.