Faaru 48 - KITAABA WAAQA

¹ AABBO Waaqi gudda, dira Waaqa keenna keesa, gaara isaa qulqullo gubbati, isa guddo faarsu malani.

² Gaari Waaqaa Sionini d'eera mid'aaga. Dira hayyu guddaa suniti lafa ch'ufa gammadaani iti d'ufa.

³ Nami fulla jabdu dira suni keesa seenu, ka Waaqati d'eetu, tokoleeni nyaapa ufii insodaatu.

⁴ Hayyooti wolti baate, gaara Sioni had'u d'ufte.

⁵ Ammo gaara suni arginaani mamani, sodaatani biraa baqatani.

⁶ Achiti naasufi mudamsuuni worra qabate, akuma niiti ilmeeni iti ejate,

⁷ yokhaani akuma hobolo d'awani galaanaa d'oofte chochoofte.

⁸ Nu waan Waaqi tolche qara d'ageenne, amma yayu dira Waaqa AABBO keenna gudda keesati argine; inni dira suni jabeese haga jiru jireenna qorqorata.

⁹ Ee Waaqa, Mana kanke keesati nu jaalala tante ta ind'umanne herenna.

¹⁰ Nami fulla ch'ufati si faarsa, gurri kankeleeni fulla ch'ufa gaha. Atini d'ugaani nama fida.

¹¹ Gumiini Sioni ha gammaddu! Atini qajeelumani dubbi qorta; dira Yuda keesati ha gammadani!

¹² Gumi Waaqaa dira Sionitini mara, doofi isa heda;

¹³ naabo isa aka dansa laala, maneeni isa jajabdule ch'ufa hubad'a, aka isani d'aloota taka tanale dubbi tana iti himtani:

¹⁴ Waaqi kunini Waaqa keenna, ka haga jiru jireennati; inni haga hegeri nuni deeme, tisse nu qorqorata.