Faaru 47 - KITAABA WAAQA

¹ Gosa ch'ufa, gammada harka d'aa! Lalaba sirba, AABBO Waaqa faarsa!

² AABBO Waaqi guddaani ka sodaachu malani; inni hayyu gudda, ka lafa ch'ufa fidu.

³ Inni gosa ch'ufa nu dabsachiise, gosa ch'ufa nu mohachise.

⁴ Inni lafa nu keesa teennu nuu fohate, fulla dansa gochiti isaa ta Yakobo ta inni jaalatu koortuuni.

⁵ Waaqi barch'uma ufii yaabata. Hojja AABBO Waaqi olkoru suni magalata d'aani, lalabaani gammadani.

⁶ Waaqa faarsa; hayyu keenna faarsa!

⁷ Waaqi hayyu lafa ch'ufaati; faaru d'aad'a, isaa faarsa!

⁸ Waaqi barch'uma ufii qulqullo ira tae gosa ch'ufa fida.

⁹ Jari gosa ch'ufa mohatu gumi Waaqa Abrahamutini wolti baha. Inni duula lafa ch'ufa ira jaba, inni waan ch'ufa fida.