Faaru 45 - KITAABA WAAQA

¹ Qalbiini tiyya dubbi dansa heredde, hojja anini faaru hayyuuni faarsu tana d'aad'u. Aka harki nama woi t'aafu hojja ch'ufa kurfoo jiru arabi kiyyaleeni kurfoo jira, aka faaru d'aad'u.

² Atini nama ch'ufa ira mid'aada; dubbini teetileeni qajeeltu. Haguma duriti Waaqi ya si eebise.

³ Ee hayyicha gudda, goraade tante fud'ad'i, hid'ad'i atini guddinnaafi jabeenna qabda.

⁴ Farda kanke ka guddinna yaabad'i, nyaapa kanke dabsad'i, d'ugaafi qajeeluma kalchi! Harki kanke mirgichi nyaapa ch'ufa si dabsachiisa!

⁵ T'iyyiti tante guddo qara qabdi, isiini onne nyaapa keeti woraanti; gochiti ch'ufti d'ufte sarba si qabatti.

⁶ Hayyumti Waaqi sii kenne haga jiru jireenna teeti. Bokuuni atini namaani fidduleeni ka d'ugaati;

⁷ atini waan dansaa jaalate waan hamtu jibbita. Tanaafi Waaqi kanke si fohate, hayyu d'ibi ch'ufa ira si muude si gammachiise. Woyaani tante qayyaafi qumbi d'oofti;

⁸ mana hayyu ka ilka arbaatini barreesani keesati kiraari d'aani si faarsani.

⁹ Nad'eeni fulla teetiti galtu dubra hayyuuti keesa jira, barch'uma kanke ka hayyuma, gama mirga, hayyiti faaya worqi naqatuti eja.

¹⁰ Intala hayyuuni fuud'u, dubbi tiyya ch'aqasi: gosa teetifi worraa keesaa d'alate ded'i.

¹¹ Mid'aagumti tante hayyu d'araasifti; inni gudda keeti, isaa saalfad'i:

¹² Worri dira Tiro woini sii d'ufa, aka si naasifatu.

¹³ Intalti hayyu mana hayyu keesa jirti isiini akami mid'aadi! Woya isi liilana worqitiini mid'aasani.

¹⁴ Isi woya bariti mid'aadu iti kayani hayyutini d'ufani, dubra wahela isii ta isi gula yaatule, isaatini d'ufani.

¹⁵ Gammadaafi qilit'amani worri d'ufe mana hayyuu olseene.

¹⁶ Ee hayyicha kiyya, atini ilmaani d'iira heddu d'alta, ta hayyuma tante d'aaltu, duuba atini nama lafa ch'ufa mohatu worra tolchita.

¹⁷ Faaruni tiyya tunini maqa kanke haga jiru jireenna badu d'owarte, haga hegerile nami ch'ufti si faarsa.