Faaru 41 - KITAABA WAAQA

¹ Ayyaana isaati ka hiyyeesaa nahu; hojja inni gaargala qabu AABBO Waaqati isaa qarqaara.

² Inni isaa qorqorate, lubbu isaa baasa, lafa inni keesa tahu keesati isaa eebisa, ammalle harka nyaapa isaati isa inkennu.

³ Hojja inni fayya d'abe sire keesa ch'iisule, AABBO Waaqi isa qarqaare fayyise jabeesa.

⁴ Anini waan jed'e, Ee, AABBO Waaqa, anini ya siti ch'ubbame; naa nahi, na fayyisi.

⁵ Nyaapi kiyya hameenna kiyya dubbate, waan jed'u, Inni yoomi due maqaani isaa bada?

⁶ Nami tokoleeni d'ugaani na argu ind'ufu; ammo worri nama ch'ufa ira odu tiyya ta hameenna guure, fulla ch'ufa deeme odeesa.

⁷ Nami na jibbu ch'ufti waan kiyya wolti gungume, hameenna kiyya malate waan jed'u,

⁸ D'ukubi hamaani ya isa qabate, inni sire iraa inkahu iraale inhafu.

⁹ Jaali kiyya jabaani ka anini guddo d'aabad'e ka nu sagale woliini nyaannuleeni ya nati garagale.

¹⁰ Ee AABBO Waaqa, naa nahi, na fayyisi, aka anini nyaapa kiyya suni haalo baafad'u.

¹¹ Duuba akanaani worri na indabsatu, ammalle aka atini na gammachiiftele beekha.

¹² Maro anini waan d'uga tolchufi atini na qarqaarte, haga jiru jireenna fulla tante na teesifta.

¹³ AABBO Waaqa Israelii faarsa! Ammaafi hegerile faarsa! Amini! Amini!