Faaru 38 - KITAABA WAAQA

¹ Ee AABBO Waaqa, dallansu tante keesa wollaala nati murte na ingaargalchini!

² Atini t'iya teetiini na woraante, lafaani na d'oofte.

³ Maro dallansu teetitiifi fayyad'aba jabaati harka na qaba, maro ch'ubbu tiyyatifi nafa kiyya ch'ufa ya d'ukubi qabate.

⁴ Ch'ubbuuni tiyya yayu aka fach'aa bisaani na liqimsite; isiini yayu baa ulfoo anini baachu indandeenne nati taate.

⁵ Maro daallumma tiyyatifi madaani tiyya hamate shamte.

⁶ Anini yayu gajed'e, ya lafati na mach'arsani, halkani guyya anini boha deema.

⁷ Anini yayu qannoni na qabate, lubbuuni diquma na keesa imbahini.

⁸ Anini yayu laafe ufi jibbaad'e lafati na ch'arasani; gaarani kiyya na hamaate tae, d'ukubsad'e waad'a.

⁹ Ee AABBO, atini waan anini fed'u imbeeta, waacha tiyyale ch'ufa ind'ageeta.

¹⁰ Onneeni na chochote, humniti naraa hobaate, ilti tiyyaleeni woi argu dad'abde.

¹¹ Jaalani tiyyafi ollani kiyyaleeni maro mada tiyyatifi nati d'iaachu dide; worri kiyyaleeni ya na baqate.

¹² Nami na ijeesuu fed'u t'urura naa kaye, nami na gaargalchu fed'u badi tiyya dubbata; worri mala nati d'aachu illakisu.

¹³ Anini duuda gurraani woma ind'ageenne, ka afaanileeni woma indubbanne fakaad'a.

¹⁴ Anini nama woma ind'ageenne, ka hojja yaamanile nama jalaa inowaanne fakaad'a.

¹⁵ Ammo ee AABBO Waaqa, anini si d'aabad'a; ee AABBO Waaqa kiyya nami na jalaa owaatu siuma.

¹⁶ Aka nyaapi kiyya badii tiyya arge na ingoyeesine tahu d'owi; ammalle aka worri badii tiyya arge inkoorre tahu d'owi.

¹⁷ Anini diquma injigiini, d'ukubileeni na illakisu.

¹⁸ Anini daba kiyya laalefad'e ch'ubbu tiyya himad'a.

¹⁹ Nyaapi kiyya jaba hama, nami fayyuma tana na jibbuleeni aka biyye tana jira.

²⁰ Nami anini waan dansaa tolche ya nati gaargale nyaapa nati tahe, waan anini d'uga gula deemufi.

²¹ Ee AABBO Waaqa, na illakisiini; ee Waaqa kiyya naraa infagaatiini!

²² Hurrisi, na qarqaari, ee AABBO qarqaarsa kiyya!