Faaru 37 - KITAABA WAAQA

¹ Waan nami ch'ubbu tahu mamte heredde ufi ingaargalchini; nama waan hamtu tolchule ind'iibeefatiini.

² Worri yoosu aka buuyo goddu bade, aka mukha gogoge dua.

³ AABBO Waaqa d'ugeefad'i, waan dansaa tolchi; lafale nagayaani keesa tai.

⁴ Gammada kanke AABBO Waaqa ira barbaadi, duuba inni waan garaani kanke fed'u ch'ufa sii kenna.

⁵ AABBO Waaqaa ufi kenni, isaa d'aabad'u duuba inni si qarqaara.

⁶ Duuba akuma aduuni guyyaa lafa guyyaasiftu, inni d'uga tante mullisa.

⁷ Obsi tai waan AABBO Waaqi si tolchu eegad'i; nama woi horatu, ka yokhaani mala ufi hamaani woi argatu, waan isaa mamte, heredde ufi ingaargalchini.

⁸ Dallante ufi ingaargalchini; wonti sunini gaargala sitiini d'ufti.

⁹ Nami AABBO Waaqa eegatu lafa d'aala; ammo ch'ubbicha keesaa gussani.

¹⁰ Ch'ubbichi yoosu bada; atini yo barbaadule inagartu;

¹¹ ammo nami ufi inguddimne lafa d'aale woi horate, nagayaani taa.

¹² Ch'ubbichi nama dansati malate, isa jibbe, ila hamtuuni laala.

¹³ Ammo AABBO Waaqi waan aka ch'ubbicha balleesani beekhufi isa kobla.

¹⁴ Ch'ubbichi goraade fud'ate t'iya guubeti d'aabe, hiyyeesa woma inqamne ijeese, nama d'uga tolchu fit'a.

¹⁵ Ammo worri goraaduma ufiitini hobae, guube worrale ch'ach'absani.

¹⁶ Wonti diqooni nami d'ugaa qabu, waan guddo nami ch'ubbu qabu ira jirti;

¹⁷ wonti akanatiifi AABBO Waaqi ch'ubbicha irre isaa iraa fuud'a, ammo nama d'ugaa jabeese qorqorata.

¹⁸ AABBO Waaqi nama isaa saalfatu jabeese, lafti haga jiru jireenna ta worraa taati.

¹⁹ Hojja bari hammaatule, gaargala inargatu, hojja oolaani buutule worri diqole sagale ind'abu.

²⁰ Ammo ch'ubbichi inuma bada; nyaapi AABBO Waaqaa akuma daraara yosu bue bade, aka aara yoosu dabra.

²¹ Ch'ubbichi liqe fuud'e baasuu dad'aba, ammo nami d'ugaa arjomaani woi namaa kenna.

²² Nami AABBO Waaqi eebise lafa d'aala, ammo ka inni abaare keesaa gussani.

²³ AABBO Waaqi ejata nama qajeelche, nama isa gammachiisule jabeese qorqorata.

²⁴ Inni yo jigele achiti inhafu, wonti akanatiifi AABBO Waaqati isa kaasa.

²⁵ Anini amma ya jaare, ganni kiyya ya d'eerate, ammo taka nama d'uga ka Waaqi lakise, ilmaani isaa sagale kad'atu ingarre.

²⁶ Inni hojja ch'ufa akanumati woi namaa kenne woi namaa liqeesa, ammalle ilmaani isaaleeni ta eebaati.

²⁷ Waan hamtu ira deebii, waan dansa tolchi, duuba akanaani d'alooti kanke haga jiru jireenna lafa tana keesa taa;

²⁸ wonti akanatiifi AABBO Waaqi d'uga jaalata, gumi isaa qulqulloole illakisu. Inni haga jiru jireenna worra qorqorata, ammo ilmaani ch'ubbicha lafa keesa gussani.

²⁹ Nami d'ugaa lafa d'aale, haga jiru jireenna keesa taa.

³⁰ Afaani nama d'uga qarooma ch'alla dubbatani, arabi isaaleeni dubbi qajeeltu ch'alla dubbata.

³¹ Inni Seera Waaqaa jabeese qalbi keesa keeyata, haguma jiru ira ingoru.

³² Ch'ubbichi nama dansa gaade ijeesuu fed'a;

³³ ammo AABBO Waaqi harka nyaapa isaati illakisu, yokhaani hojja dubbi isa qorani aka wollaala iti murani ee injed'u.

³⁴ AABBO Waaqa d'aabad'i, dubbi isaa gula deemi; inni lafa sii kenne akasiini gurra siti tolcha; duuba atinileeni worra ch'ubbuu ka lafa suni keesaa gussani agarta.

³⁵ Ch'ubbicha tokoti jira, ka duri nama dabse; aka hind'eesi Lebanoni mukha ch'ufa ira d'eeratu, nama ch'ufa bira dabre.

³⁶ Ammo eege, yo anini d'aatu dabre, inni achi injiru; anini isa barbaade, ammo argu dad'abe.

³⁷ Nama dansa laali, nama d'ugaa hubad'i; nama nagayaa ilmaani inni d'aleti maqa isaa badii d'owa.

³⁸ Ammo ch'ubbicha balleesani, ilmaani inni d'alelle ch'ufa fit'ani.

³⁹ AABBO Waaqi nama d'ugaa qajeela baase guyya gaargala worra qorqorata.

⁴⁰ Inni worra qarqaare, nyaapa worra duraa baase; ammalle waan worri qarqaarsa isaati baqatefi inni harka ch'ubbichale jalaa baasa.