Faaru 33 - KITAABA WAAQA

¹ Isani worri d'ugaa, waan AABBO Waaqi isanii tolche jed'a gammadaa sirba; isani nami isaa saalfatu ch'ufti isa faarsa.

² AABBO Waaqa kiraari d'aafi sirba, galata deebisaafi.

³ Sirba hareesa sirba, aka dansaa kiraari d'aa, gammadaa sirba!

⁴ Dubbini AABBO Waaqaa ch'ufti ta d'ugaati, wonti inni hojatu ch'ufti waan nami heregatu.

⁵ AABBO Waaqi waan d'ugaa qajeeltu jaalata, jaalalti isaa ta ind'umanne lafa ch'ufa guuti.

⁶ AABBO Waaqi jecha isaatini gubba uume, aduufi jiaafi urjile dubbi ufiitini mid'aase.

⁷ Inni bisaani ch'ufa fulla tokoti wolti deebise, d'immu baariinilee fulluma isiiti ch'ufe olkaye.

⁸ Nami lafa keesa jiru ch'ufti ha AABBO Waaqa sodaatu, nami lafa keesa tauleeni ha isa guddisu!

⁹ Inni dubbannaani lafti uumamte, jecha isaa gula wonti ch'ufti mullate.

¹⁰ AABBO Waaqi mala gosa d'ibi balleese, herega biyyale yaka.

¹¹ Ammo mali isaa haga jiru jireenna taa, heregi isaaleeni haga jiru jireenna jira.

¹² Ayyaana gosa suni, ta AABBO Waaqa, Waaqa ufii tolfatu; ayyaana worra inni fohate gumi ufii tolfate!

¹³ AABBO Waaqi gubbaa gadi ilaale nama ch'ufa arga.

¹⁴ Inni fulla tae nama fidu gadi ilaale, nama lafa gubba jiru ch'ufa arga.

¹⁵ Inni herega worra ch'ufa qajeelche waan worri tahu ch'ufa beekha.

¹⁶ Hayyuuni maro askartini isa hedduutifi nama indabsatu; askartileeni jabeenna isiitiini nama indabsatu.

¹⁷ Fardi duula dandae nyaapa namaa indabsachisu; irreeni isaa dandeete nama imbaaftu.

¹⁸ AABBO Waaqi nama isaa saalfatu, ka jaalala isaa ta ind'umanne d'aabatu, eege qorqorata.

¹⁹ Inni dua jalaa worra baase guyya beelale worra jireesa.

²⁰ Nu AABBO Waaqa d'aabanna, inni qarqaarsa keennafi wonte teenna.

²¹ Nu maro isaatiifi gammanne, maqa isaa qulqullo d'ugeefanna.

²² Ee AABBO Waaqa, jaalalti tante ta ind'umanne ha guyya ch'ufa nu woliini jiraatuuti; nuleeni guyya ch'ufa suma hereganna.