Faaru 31 - KITAABA WAAQA

¹ Ee AABBO Waaqa, anini siti d'eed'a, ch'eeru na d'owi. Atini Waaqa d'ugaati anini si kad'ad'a na baasi.

² Na d'agayi, hurrisi na baasi! Siida anini jalati d'eed'u naa tahi, fulla jabdu na geesi, na baasi.

³ Atini siida kiyya ka anini iti d'eed'u; akuma atini kakhate na qajeelchi, nani deemi.

⁴ T'urura naa kayani keesaa na baasi, gaargala naraa d'owi.

⁵ Anini lubbu tiyya harka keeti kennad'a; ee AABBO Waaqa, na baasi, atini Waaqa anini d'ugeefad'u.

⁶ Atini nama waaqoota d'araa kad'atu injibbita, ammo anini siuma d'aabad'a.

⁷ Maro jaalala tante ta ind'umanneetiifi, anini gammade qilit'ama. Atini gaargala kiyya agarte, d'ipu tiyyale beeta.

⁸ Atini harka nyaapa kiyyati na inkennine; ammo fulla anini fed'u ch'ufa na deemsifte.

⁹ Ee AABBO Waaqa, anini gaargala qaba, naa nahi. Anini yayu bohaa d'aqe ilti na bobeete, ya ufi jibbaad'e.

¹⁰ Laalalafi booti ya na ijeefte lubbule na keesaa baafte. Gaargali kiyya ya na laafise, lafeleeni wolti na injirtu.

¹¹ Nyaapi kiyya ch'ufti, keesuma nami d'aatu tiyya jiru, ya na tufate, nami na beekhu na sodaate, hojja kara keesati na argule na baqata.

¹² Nami ch'ufti yayu aka waan anini due kaani na ded'e, anini yayu waan gagatani fakaad'e.

¹³ Anini nyaapa heddu tae waan kiyya hasasu d'agae moga ch'ufa mudamsuuni na qabatti. Worri mala nati d'aate na ijeesuu fed'a.

¹⁴ Ammo ee AABBO Waaqa, anini si d'aabad'a, atini Waaqa kiyya.

¹⁵ Anini hojja ch'ufa harka kanke keesa jira; nyaapa kiyya, ka na balleesu, duraa na baasi.

¹⁶ Hojattu tante naasuuni ilaali, jaalala tante ta ind'umanneeni na baasi.

¹⁷ AABBO Waaqa, anini si yaamad'a, ch'eeru na d'owi. Ch'ubbicha ha ch'eersanniiti, inni ha due ch'allise fulla ekhera d'aquuti.

¹⁸ Worra kiyyiba kana ch'ufa afaani qabachiisi worra ufi guddise ufi saade worra d'ugaa tufatu.

¹⁹ Wonti atini nama si sodaatu olkeete akami dansa! Nami ch'ufti aka atini dansa imbeekha, aka atini nama si d'ugeefatu jabeesite qorqorattule.

²⁰ Atini worra suni mala nyaapa isaani duraa fulla teeti d'ossite, araba nyaapa isaani dura fulla jabduti d'ossita.

²¹ AABBO Waaqa ha faarsani! Gaafa na marsani na had'ani, inni kara mamatiini jaalala isaa ta ind'umanne na garsiise!

²² Anini sodaad'e waan jed'e, Inni yayu ufi dura na fageese. Ammo anini iti bohe qarqaarsa kad'ad'e jennaani inni kad'acha naa d'agaye.

²³ Ee gumi isaa, ta isa d'ugeefatu, AABBO Waaqa jaalad'a. AABBO Waaqi nama isa d'aabatu qorqorate, nama ufi saadu haalo baafata.

²⁴ Isani worri AABBO Waaqa d'aabatu ch'ufti ilaafiina garaa jabaad'a.