Faaru 30 - KITAABA WAAQA

¹ Ee AABBO Waaqa waan atini gaargala keesaa na baafte, nyaapa na miid'ule nara d'owarteefi anini si faarsa.

² Ee AABBO Waaqa kiyya anini qarqaarsa siti bonaani atini na fayyifte;

³ atini awaala keesaa na baafte, boola dua na hanqifte na jireesite.

⁴ Isani worri AABBO Waaqa d'ugeefatu ch'ufti isa faarsa, waan Waaqi qulqullooni tolche qaabad'a, galata deebisaafi.

⁵ Dallansuuni isaa yoosu badi, ammo eebiti isaa haga jirtu imbaddu. Halkani imbohani, ammo hojja lafti bariite ingammadani.

⁶ Anini hojja hormaatafi bultuma qabu waan ufiini jed'e, nami dandae na inchochoosu.

⁷ Ee AABBO Waaqa, atini na eebifte, gaara na tolchite na jabeesite. Ammo eege atini na d'okhannaani anini guddo mudame.

⁸ Ee AABBO Waaqa, anini si yaamad'e, naasu si kad'ad'e waan jed'e,

⁹ Dua tiyya keesa maani argata? Yo na awaalani wonti sunini maani sii baati? Nami due biyyeeni nyaate dandae si faarsa? Worri sunini dandae dansuma tante ta ind'umanne; inodeesa?

¹⁰ Ee AABBO Waaqa, naa nahi, na d'agayi, AABBO na qarqaari!

¹¹ Atini yayu boha tiyya garagalchite sirba tolchite; atini laalala nara fuute, gammada gudda naa kennite.

¹² Tanaafi anini amma afaani qabachu dide si faarsa. AABBO, atini Waaqa kiyya, anini haga jiru jireenna galata sii deebisa.