Faaru 3 - KITAABA WAAQA

¹ Ee AABBO Waaqa, anini nyaapa heddu qaba, ka na dide sidi nati tahe!

² Worri waan kiyya dubbate waan jed'u, Waaqi isa inqarqaaru.

³ Ammo atini, ee AABBO Waaqa, wonte naa taate, waan ch'ufa na dabsachiifte, garaa na jabeesita.

⁴ Anini Waaqa yaamad'e, inni gaara isaa qulqullo iraa na jalaa owaate.

⁵ Anini gach'iise rafa, halkani ch'ufa AABBO Waaqati na qorqorata.

⁶ Anini nyaapa kiyya ka kuma heddu, ka gara ch'ufa na marsuu jiru diqole insodaad'u.

⁷ AABBO Waaqa, kooti naa baasi! Atini nyaapa kiyya d'abanaafte, ilkaani worra ch'ubbuu ch'absite.

⁸ Dabsachaani AABBO Waaqa ira d'ufti, inni gumi ufii ha eebisuti!