Faaru 29 - KITAABA WAAQA

¹ Isani, ilmaani gubbaa, AABBO Waaqa faarsa, guddinnaafi irre isa faarsa.

² Maqa AABBO Waaqa guddaa faarsa, Waaqa qulqullo durati gajed'a guddisa.

³ Qonqo AABBO Waaqa bisaani gubbati d'agayani, Waaqi guddaani mandie, hoga isaa baariini keesati d'agayani.

⁴ Qonqooni AABBO Waaqaa jabdu, aka qonqo hayyu irre qabdi.

⁵ Qonqooni AABBO Waaqa hind'eesa ch'absite, hind'eesa Lebanonile balleesiti.

⁶ Inni gaareeni Lebanoni aka yabbiye burasise, gaara Hermonile aka jibicha korma olch'ech'esisa.

⁷ Qonqooni AABBO Waaqaa angaasu angaasifte.

⁸ Qonqooni isaa lafa gamooji chochoofte, isiini lafa gamooji ta Kedeshile chochoosifti.

⁹ Qonqooni AABBO Waaqaa mukha jaba chochoofte mukha baddale obeensa iraa jissiti; Mana isaa keesale nami ch'ufti, Waaqa ha guddisani jed'e lalaba.

¹⁰ AABBO Waaqi d'immu bisaanile mohate haga jiru jireenna lafa fida.

¹¹ AABBO Waaqi gumi ufii eebise nagaya kennaafi.