Faaru 27 - KITAABA WAAQA

¹ AABBO Waaqi ifsafi baafama kiyya; anini nama tokole insodaad'u. AABBO Waaqi gaargala lubbu ch'ufa duraa na baasa, anini woma insodaad'u.

² Hojja nami hamaani na had'e, na nyaachu fed'e nyaapa nati tahe, worri gugufate jijiga.

³ Ato duuli na marsele anini insodaad'u, ato nyaapi na had'ele anini garaa jabaad'a.

⁴ Anini waan toko ch'alla AABBO Waaqa kad'ad'a, waan toko ch'alla isaa iraa fed'a: aka haga jiru ch'ufa mana AABBO Waaqa keesa tae mid'aaguma isaa mame, Mana isaa keesati isa kad'ad'u.

⁵ Guyya gaargalaa inni na baase, Mana ufii keesati na jabeese, d'akha d'eera gubbaa na kaya.

⁶ Akanaani anini nyaapa na dabsu dabsad'e, Mana isaa keesati gammade lalabe sorio baasa; anini sirba baase AABBO Waaqa faarsa.

⁷ Ee AABBO Waaqa hojja anini si yaamad'u na d'agayi, naa nahi, kad'acha tiyya naa d'agayi.

⁸ Gaafa atini, kooti na kad'ad'i nani jette, anini, AABBO Waaqa ind'ufa;

⁹ na duraa ind'okhatiini siini jed'e! Nati indallaniini, hojattu tante ufi biraa ingussini. Atini ya qarqaarsa naa taate, na illakisiini lafale na imbuusini, ee Waaqa ka na baasu.

¹⁰ Abbaafi haati tiyya dandeete na lakifti, ammo atini, AABBO Waaqa, na qorqorata.

¹¹ Ee AABBO Waaqa, fed'i tante na barsiisi, kara qajeela gula na qajeelchi, wonti akanatiifi nyaapi kiyya heddu.

¹² Nyaapa suni ka d'araani had'e na balleesuu fed'u nati illakisiini.

¹³ Anini imbeekha, aka, ato jiru, dansuma AABBO Waaqaa ila tiyyaani argu.

¹⁴ AABBO Waaqa d'aabad'i, garaa jabaad'i, isa d'ugeefad'i. AABBO Waaqa d'aabad'i.