Faaru 26 - KITAABA WAAQA

¹ Ee AABBO Waaqa d'uga naa muri, wonti akanatiifi anini ya waan d'uga tolche, si ch'alla d'aabad'e.

² Ee AABBO Waaqa, na ilaali, na argi garaafi qalbi tiyya hubad'i.

³ Jaalalti tante ta ind'umanne hojja ch'ufa kara naa akheeti, anini d'uga tante keesa deema.

⁴ Anini nama d'araati iwahelchu, kiyyibale iti ind'iad'u.

⁵ Anini nama waan hamtu tolchu wahelchu infed'u, ch'ubbichale woma ira inqabu.

⁶ AABBO Waaqa, anini harka d'iqad'e, aka ch'ubbu inqamne garsiise, waan sorio irati si baasanini mara.

⁷ Anini faaru galataani si deebisani, d'aad'e, waan kanke ch'ufa biyyati hima.

⁸ Ee AABBO Waaqa, anini mana atini keesa teetu, fulla guddinni kanke jiru, guddo jaalad'a.

⁹ Worra ch'ubbu woliini na imballeesini; badii nama woi ijeesule jalaa na baasi —

¹⁰ worra hojja ch'ufa ch'ubbu hojate, gumbo nama ira fud'atu.

¹¹ Anini gama kiyyaani waan d'uga tolcha, naa nahi na baasi!

¹² Anini soda waan ch'ufa ya duraa bahe, fulla dansa eja, tanaafi gumi AABBO Waaqaa keesa isa faarsa.