Faaru 20 - KITAABA WAAQA

¹ Guyya atini gaargala qabdu, AABBO Waaqi ha kad'acha tante d'agayu! Waaqi Yakobo ha si qorqoratu!

² Inni ha mana ufii keesaa qarqaarsa si erge, gaara Sioni iraa d'ufe si baasuti.

³ Inni ha waan atini isaa baaftu ch'ufa fud'ate, sorio tante ch'ufa iraa gammaduti.

⁴ Inni ha waan atini feetu ch'ufa sii kenne, mala kanke ch'ufa si guututi.

⁵ Duuba nu hojja atini nama dabsattu gammanne, maqa Waaqaa kennatiini bandera keenna old'aamna! AABBO Waaqi fed'i tante ch'ufa ha guututi.

⁶ Amma anini imbeekha, aka AABBO Waaqi hayyu inni fohate muude baasu. Inni fulla isaa qulqullo gubbati isa ch'aqase, jabeenna isaatini waan heddu isa dabsachiisa.

⁷ Nami gari gaari ufii d'ugeefata. Ka gari fardoole ufii d'ugeefata; ammo nu maqa AABBO Waaqa keenna d'ugeefanna.

⁸ Nami akasi sunini gufateti lafa d'aa, ammo nu olkaane jajabaanne ejaanjina.

⁹ Ee AABBO Waaqa, hayyuu dabsachaa kenni; hojja nu si yaamanu nu d'agayi.