Faaru 17 - KITAABA WAAQA

¹ Ee AABBO Waaqa, na ch'aqasi d'uga naa galchi; aka anini tae qarqaarsa siti bohu d'agayi! Kad'acha tiyya ta d'ugale naa d'agayi.

² Atini d'uga imbeeta, tanaafi d'uga naa galchita.

³ Atini garaa kiyya imbeeta; halkaniini nati d'ufte na ilaalte, d'araa hamtu tokole na keesaa d'abde.

⁴ Anini aka nama d'ibi waan hamtu indubbad'u; anini seera kanke ya guute, karaa nama hama woi balleesu gula indeemne.

⁵ Anini hojja ch'ufa daandi tante gula deeme taka iraa ingore.

⁶ Ee Waaqa, waan atini na ch'aqaftuufi anini si yaama. Tanaafi amma dubbi tiyya d'agayi, gurra keetiini na ch'aqasi.

⁷ Jaalala tante ta ind'umanne nu garsiisi nu baasi; yo nu fulla tante jiru atini nyaapa keenna duraa nu baafta.

⁸ Akuma atini ila tante qorqorattu, nu qorqorad'i; koola kanke jalati na d'ossi,

⁹ worra hama na had'u duraa na baasi. Nyaapi hamaani ya na marse;

¹⁰ worri naasu inqabu, dubbi keesa guddo ufi saada.

¹¹ Worri fulla anini deemu ch'ufa faana na d'ae na gaade, na marse, lafa na buusuu fed'a.

¹² Worri nyeench'a fakaata, gaade na eegate, gargari na tatarsaasu fed'a.

¹³ AABBO Waaqa, kooti, nyaapa kiyya had'i balleesi! Goraade teetiini harka ch'ubbicha keesaa na baasi;

¹⁴ nama lafa tana keesati quufu jalaa naa baasi. Gaargala atini worraa hereddeeni worra gaargalchi; gaargali sunini ha ilmaani worraatifi ilmaani ilmaani worrale ch'ufa d'aqabuuti!

¹⁵ Ammo waan anini ch'ubbu intolchiniifi, anini si arga; hojja anini hiribaa kae si argu, anini ingammada.