Faaru 16 - KITAABA WAAQA

¹ Ee Waaqa, anini siti d'eed'a na qorqorad'i.

² Anini waan AABBO Waaqaani jed'u, Ee AABBO si male anini waan dansa tokole inqabu.

³ Worri AABBO Waaqa sodaatu akami dadansa! Gammadi kiyya guddaani yo anini worraa suni woliini jiru.

⁴ Worri waaqoota d'ibi gula oriu gaargala heddu ufitiini d'ufa. Anini d'iiga worri d'ibaayu baasu keesa injiru; waaqoota worrale maqa d'ae inkadad'u.

⁵ AABBO Waaqa, si male anini waan d'ibi inqabu. Atini waan anini fed'u ch'ufa naa kennita, wonti anini tahu ch'ufti harka kanke keesa jirti.

⁶ Wonti atini naa kennite ch'ufti akami dadansa, finni atini na fiddu ch'ufti guddo mid'aaga.

⁷ Anini AABBO Waaqa faarsa waan inni na gorse, halkanile na qajeelchuufi.

⁸ Anini waan ch'ufa keesa AABBO Waaqa dursa, waan inni hojja ch'ufa na woliini jiruufi nami tokoleeni dandae na inchochoosu.

⁹ Tanaafi garaani kiyya gammade qilit'ama, nafi kiyyaleeni woma insodaatu.

¹⁰ Wonti akanatiifi atini dua duraa na baafte, nama atini jaalattu boola ekherati ingeesitu.

¹¹ Atini kara jireenna na garsiifte; yo fulla tante jiru anini gammada qaba, atini haga jiru jireenna na machesita.