Faaru 149 - KITAABA WAAQA

¹ AABBO Waaqa faarsa! Sirba hareesani AABBO Waaqa faarsa; woldeenna gumi isaa ta d'uga keesati, isa faarsa!

² Worra Israeli, maro nama isani uumetifi gammada; gumi Sioni maro hayyu keesanitifi qilit'ama.

³ Sirbaa, olch'ech'ea, maqa isaa faarsa; dibefi kiraari d'aa, isa faarsa.

⁴ AABBO Waaqi gumi ufi iraa gammade, nama ufi inguddimniele nyaapa isaa dabsachiise ulfeesa.

⁵ Gumiini Waaqa ha gammade, geerarte, halkani ch'ufa gammadani sirbituti.

⁶ Worri ha iye AABBO Waaqa faarsu! Hojja suni worri ha goraade qara qabdu harkati qabate,

⁷ gosa d'ibi dabsate, worra d'ibi gaargalche

⁸ hayyoota worraa sansalatani hid'e jara worra gugurda sibiilani hid'e,

⁹ akuma Waaqi jed'e gosa ch'ufa gaargalchuti. Tunini dabsachacha Waaqi gumi ufiiti kenne. AABBO Waaqa faarsa!