Faaru 148 - KITAABA WAAQA

¹ AABBO Waaqa faarsa! Isani worri gubbati galu gubba suni, AABBO Waaqa faarsa.

² Malaikaani isaa ch'ufti isa faarsa, duuli isaa ka gubba ch'ufti isaa faarsa.

³ Aduufi jiaafi urjini bibilit'u ch'ufti, isaa faarsa.

⁴ Gubba olfagootifi bisaani achi jiraleeni, isaa faarsa.

⁵ Worri ch'ufti ha maqa AABBO Waaqa faarsu. Inni dubbannaani worra ch'ufa uumani;

⁶ jecha isaa gula haga jiru jireenna worra ch'ufa fulla ufi kayani worri dandae indidu.

⁷ Lafa gubbale AABBO Waaqa faarsa: gorjama bisaani keesati galufi d'immu baariinitifi

⁸ angaasufi bokaya d'akhaani roobufi qabanafi dumansaafi bubbeeni jajabduni seera isaa guutuleeni.

⁹ Kubileefi gaareenifi mukha mid'aanitifi hind'eesafi

¹⁰ bineensa alaa ch'ufafi hori ch'ufafi waan garaani lafa ira loatifi wonti koola ch'ufti, isa faarsa.

¹¹ Hayyootafi gosa ch'ufafi jaarole lafa fidufi nama lafa mohatufi

¹² dubrafi ijoolle d'iiratifi jaaroleefi ijoolleeni didiqoleni, isa faarsa.

¹³ Worri kunini ch'ufti ha maqa AABBO Waaqa faarsuti! Wonti akanatiifi maqaani isaa maqa waan ch'ufa ira jira; ammalle guddinni isaa lafafi gubbale ira jira.

¹⁴ Inni ya gosa ufiti jabeenna kenne aka akasiini gumiini isaa ch'ufti isa faarsitu — gumi Israeli ta inni guddo jaalatu. AABBO Waaqa faarsa!