Faaru 145 - KITAABA WAAQA

¹ Ee Waaqa, hayyu kiyya, anini guddinna kanke faarse haga jiru jireenna galata si deebisa.

² Anini guyya ch'ufa galata si deebise haga jiru jireenna si faarsa.

³ AABBO Waaqi gudda, isa guddo faarsuu malani; guddinna isaa dandaani inhubatani.

⁴ Waan atini tolchite ch'ufa d'aloota kanafi d'aloota d'ibile ch'ufa keesati faarsani; huji tante jabdu inodeesani.

⁵ Waan guddinna kanketitifi ka hayyuma teetile dubbatani; aninileeni huji tante ta mama waan isii herega.

⁶ Biyyiti waan huji tante jabdu dubbate anileeni guddinna kanke odeesa.

⁷ Worri dansuma tante dubbate d'uga tante faarsa.

⁸ AABBO Waaqi naasufi jaalala qaba; inni hurre indallanu, jaalalti isaaleeni ind'umatu.

⁹ Inni nama ch'ufaa dansa, waan inni uume ch'ufa innaha.

¹⁰ Ee AABBO Waaqa wonti atini uumte ch'ufti si faarsite, gumiini tante qulqullooni ch'ufti galata si deebifti.

¹¹ Worri guddinna finna keeti dubbate jabeenna keetile odeesa,

¹² aka nami ch'ufti huji tante jabdufi guddinna finna keeti beekhu.

¹³ Finni kanke ka haga hegeriti, hayyumti tante haga jiru jireenna teeti. AABBO Waaqi kakhu ufi inguuta, wonti inni tolchu ch'ufti dansa.

¹⁴ Inni nama gaargala keesa jiru qarqaare, nama jigele kaasa.

¹⁵ Wonti lubbu qaba ch'ufti si laalti, ammalle yo worri sagale fed'u atini inkennitafi.

¹⁶ Atini sagale guddo kenniteefi akasiini worra quubsita.

¹⁷ AABBO Waaqi waan tolchu ch'ufa d'ugaani tolcha; waan tahu ch'ufa keesa naasu qaba.

¹⁸ Inni nama d'ugaafi garaa tokooni isa yaamatuti d'iaata.

¹⁹ Inni nama isa sodaatu, waan inni fed'u kennafi; inni boha worraa d'agaye worra baasa.

²⁰ Inni nama isa jaalatu ch'ufa imbaasa, ammo ch'ubbicha imballeesa.

²¹ Anini hojja ch'ufa AABBO Waaqa faarsa; wonti inni uume ch'ufti ha maqa isaa qulqullo haga jiru jireenna faarsitu.