Faaru 143 - KITAABA WAAQA

¹ Ee AABBO Waaqa, kad'acha tiyya naa d'agayi! D'uga tanteetiini na jalaa owaad'i qajeeluma tante gula na ch'aqasi!

² Ana hojattu tante qorsumati ingeesini; wonti akanatiifi nami tokoleeni ka si durati ch'ubbu inqamne injiru.

³ Nyaapi kiyya na reebe, aka male na dabsate, mana dukana keesati na hid'e, worra duri dueni wolti na galche.

⁴ Tanaafi anini amma ya ufi jibbaad'e lubbuuni na d'ufte.

⁵ Anini guyya dabre qaabad'a, waan atini ch'ufa tolchite herege, huji tante ch'ufa qaabad'a.

⁶ Lubbuuni tiyya aka lafa gogodde sii d'eeboti, tanaafi harka si dura qabad'e si kad'ad'a.

⁷ Ee AABBO Waaqa, anini ya ufi jibbaad'e hurrisi na ch'aqasi. Na duraa ind'okhatiini, nama due boola ekherati deemu tahu na d'owi.

⁸ Diirama ch'ufa jaalala tante ta ind'umanne na qaabsisi wonti akanatiifi abdiini tiyya siuma. Anini si kad'ad'a kara anini deemu na garsiisi.

⁹ Ee AABBO Waaqa, anini siti d'eed'a, nyaapa kiyya duraa na baasi.

¹⁰ Atini Waaqa kiyya, fed'i tante na barsiisi. Dansuma tanteetiini kara qajeela naa akheekhi.

¹¹ Ee AABBO Waaqa, akuma atini nati kakhate na baasi, dansuma tanteetiini gaargala kiyya keesaa na baasi!

¹² Maro atini na jaalateefi nyaapa kiyya hobaasi, nama na dabsu ch'ufa balleesi wonti akanatiifi anini hojattu tanteeti.