Faaru 141 - KITAABA WAAQA

¹ Ee AABBO Waaqa, anini si yaamad'a, hurrisi na qarqaari! Hojja anini si yaamad'u na jalaa owaad'i.

² Kad'acha tiyya akuma hit'aana si aarsani fud'ad'i, harka anini si dura qabule aka sorio galgala fud'ad'i.

³ Ee AABBO Waaqa, afaani kiyya eegi, eeddo balbala hid'i tiyya tahi.

⁴ Waan hamtu tolchu na d'owi, worra ch'ubbule iraa na fageesi. Haga anini jiru jila worrale keesaa sagale soorachu na d'owi.

⁵ Nami dansaani dandae d'aane jaalalaani na gorsa, ammo Waaqi harka ch'ubbicha na muudu d'owina; wonti akanatiifi anini hojja ch'ufa aka hujiini worraa hamaattu Waaqa kad'ad'a.

⁶ Hojja hayyoota worraa bale ira gadi d'abbani, biyyiti aka dubbini tiyya d'ugaa beeti.

⁷ Akuma mukha falaansani didiqeesani ch'irani, akasuma lafele isaani d'aatu irreesati firfirsani.

⁸ Ammo ee AABBO Waaqa kiyya, anini siuma d'ugeefad'a. Anini qarqaarsa siraa barbaada, duu na d'owi.

⁹ T'urura worri naa kaye keesa seenu na d'owi t'urura worra ch'ubbu suni duraa na baasi.

¹⁰ Ch'ubbichi ha t'urura ufi keesa seenuti. Ammo Waaqi duraa na baasinna.