Faaru 140 - KITAABA WAAQA

¹ Ee AABBO Waaqa, worra ch'ubbu ka nama ijeesu, naraa d'owi, duraa na baasi.

² Worri hojja ch'ufa hameenna malate nama wolti naqa.

³ Arabi worraa aka bofa hama nama ijeesu jira; dubbini worra aka had'aa buuti jirti.

⁴ Ee AABBO Waaqa, harka worra ch'ubbu jalaa na baasi. Worra nama ijeesu, ka na balleesu fed'u, naraa d'owi.

⁵ Nami kiyyibaani ya t'urura kara keesa na kaye; t'urura ufiitini na qabu fed'e.

⁶ Anini waan AABBO Waaqaani jed'u, Atini Waaqa kiyya; ee AABBO Waaqa, kad'acha tiyya na d'agayi!

⁷ Ee AABBO Waaqa kiyya, qarqaarsa kiyya jaba, guyya had'iisa atini yayu na qorqorate na baafte.

⁸ Ee AABBO Waaqa, waan ch'ubbichi fed'u inkenninifi; mala worri d'aatule balleesi.

⁹ Nyaapa kiyya na dabsachu d'owi; soda worri na sodaachisu worrumati deebisi.

¹⁰ Ch'ileeni ibidaa diimtuni ha worrati jidduti; worri ha boola keesa buusani keesaa bau dad'abuti.

¹¹ Nami d'araani nama himatu ha lafa keesaa baduti; hameenni ha worra nama ijeesu d'aqabe balleesuti.

¹² AABBO Waaqa, anini imbeekha, aka atini hiyyeesafi, nama woma inqamnelee dubbatu.

¹³ Nami d'uga si faarse, nami qajeelani si durati jiraata.