Faaru 14 - KITAABA WAAQA

¹ Daalleeni, Waaqi injiru ufiini jed'a. Worri worra ch'ubbuti ya waan hamtu tolche; nami waan d'uga tolchu tokoleeni injiru.

² AABBO Waaqi gubbaa nama gadi ilaale, aka nami wohubate isa kad'atu worra keesa jiru arga.

³ Ammo worri ch'ufti yayu akuma takaa kara iraa gore waan hamtu tolche. Worra keesa nami tokoleeni ka waan dansa tolchu injiru.

⁴ AABBO Waaqi waan jed'u, Isi, worri woma imbeekhu? Worri ch'ubbuu kunini ch'ufti daalle? Worri gumi tiyya saame nale kad'achuu dida.

⁵ Ammo worri waan Waaqi nama d'uga gula deemu kalchuufi mudama.

⁶ Nami waan hamtu tolchu mala hiyyeesa balleesa, ammo inni AABBO Waaqati d'eeta.

⁷ Ee Waaqa, nama Israeli baasu Sioni keesaa kootiini. Worri Israeli, hojja AABBO Waaqi akuma duri kaani horsiisu, akami gammada!