Faaru 138 - KITAABA WAAQA

¹ Ee AABBO Waaqa, anini garaa kiyya ch'ufaani galata si deebisa; waaqoota d'ibi ch'ufa durati si faarsa.

² Anini fuula kiyya mana kanke qulqullooti deefad'e gajed'e maqa kanke faarsa maro jaalala tante ta ind'umanneetiifi d'uga teeti, ammalle waan atini aka maqa keetifi dubbini tante waan ch'ufa ira jirtu nama garsiifteefi.

³ Anini si yaamannaani na jalaa owaate, irre tanteetiini na jabeesite.

⁴ Hayyooti lafa ch'ufa keesa jirtu, ee AABBO Waaqa, maro kakhu tante d'ageetefi, si faarsiti.

⁵ Worri maro waan atini tolchiteefi guddinna keetitifi si faarsa.

⁶ Ato atini gubba olfago jiraatele atini hiyyeesa qorqorate, kiyyibaleeni dandae si dura ind'okhatu.

⁷ Gaafa gaargali moga ch'ufaa na qabate, atini lubbu na baafta; atini nyaapa kiyya, ka nati dallanuni morkite harka kanke jabaani na baafte.

⁸ Atini waan nati kakhate ch'ufa inguuta; ee AABBO Waaqa, jaalalti tante haga jirtu ind'umatu. Huji atini iti keeyate illakisiini, hobaasi.