Faaru 136 - KITAABA WAAQA

¹ AABBO Waaqi dansa, galata deebisaafi; jaalalti isaa haga jirtu ind'umatu.

² Waaqa, waaqoota ch'ufa ira jiru, galata deebisa; jaalalti isaa haga jirtu ind'umatu.

³ AABBO Waaqa ka nama ch'ufa ira jiru, galata deebisa; jaalalti isaa haga jirtu ind'umatu.

⁴ Isuma ch'allati waan mama jabdu tolcha; jaalalti isaa haga jirtu ind'umatu.

⁵ Qarooma isaatini inni gubba uume; jaalalti isaa haga jirtu ind'umatu.

⁶ Inni bisaani qile gubbati lafa jaare; jaalalti isaa haga jirtu ind'umatu.

⁷ Inni aduufi jia uume, jaalalti isaa haga jirtu ind'umatu;

⁸ adu ta gayu mohatu, jaalalti isaa haga jirtu ind'umatu.

⁹ Jiaafi urji ta halkani mohatu; jaalalti isaa haga jirtu ind'umatu.

¹⁰ Inni ilmaani angafa ta worra Misiri fit'e; jaalalti isaa haga jirtu ind'umatu.

¹¹ Inni gumi Israeli lafa Misiri keesaa baase; jaalalti isaa haga jirtu ind'umatu.

¹² Irree isaa jabdufi harka isaa jabaani; jaalalti isaa haga jirtu ind'umatu.

¹³ Inni galaana Diima gargari kute; jaalalti isaa haga jirtu ind'umatu.

¹⁴ Gumi ufi ta Israeli jiddu taakisiise; jaalalti isaa haga jirtu ind'umatu.

¹⁵ Ammo hayyu Misiritiifi duula isaa bisaani sunini balleese; jaalalti isaa haga jirtu ind'umatu.

¹⁶ Inni gumi ufi lafa aloo ta gamooji keesa godaansise; jaalalti isaa haga jirtu ind'umatu.

¹⁷ Inni hayyoota jajabdu fit'e; jaalalti isaa haga jirtu ind'umatu;

¹⁸ hayyoota gurra qabdule; jaalalti isaa haga jirtu ind'umatu;

¹⁹ Sioni hayyu Amori, jaalalti isaa haga jirtu ind'umatu;

²⁰ Ogu hayyu Bashanile; jaalalti isaa haga jirtu ind'umatu.

²¹ Inni lafa worraa gumi ufiti kenne; jaalalti isaa haga jirtu ind'umatu.

²² Inni lafa suni hojattu isaa Israeli kenne; jaalalti isaa haga jirtu ind'umatu.

²³ Gaafa nu dabsatanile inni nu qaabate; jaalalti isaa haga jirtu ind'umatu;

²⁴ inni harka nyaapa keenna jalaa nu baase; jaalalti isaa haga jirtu ind'umatu.

²⁵ Inni waan lubbu qaba ch'ufa sagale kennaafi; jaalalti isaa haga jirtu ind'umatu.

²⁶ Waaqa gubbati galata deebisa; jaalalti isaa haga jirtu ind'umatu.