Faaru 132 - KITAABA WAAQA

¹ Ee AABBO Waaqa, Daudifi gaargala inni argate ch'ufa qaabad'i.

² Ee AABBO Waaqa, kakhu inni sii, Waaqa gudda Yakobooti kakhate inded'ini.

³ Anini manati gale sire inkoru,

⁴ yokhaani gach'iise irafu,

⁵ haga anini AABBO Waaqa, Waaqa gudda Yakobo, fulla inni iti galu jaaruti.

⁶ Bethlehemu keesati nu waan Sanduqa Wold'aqisa d'ageenne, oobru Yearimu keesati agarre.

⁷ Nu waan jenne, koota, Mana AABBO Waaqa d'anne, barch'uma isaa durati isa kad'anna.

⁸ Ee Waaqa, Sanduqa Wold'aqisa ka jabeenna kanke garsiisu woliini mana kanke kooti, haga jiru jireenna arma tai.

⁹ Qaaloleeni tante ha hojja ch'ufa waan dansa tolchituti; gumiini tanteeleni ha gammade qilit'amtuti!

¹⁰ Atini duru hojattu tante Dauditi kakhate, ee AABBO Waaqa, hayyu atini muudde fohate indidiini.

¹¹ Atini kakhu jabdu takaa tanale inch'absine Dauditi kakhate waan jetteeni, Anini ilma kanke, nama toko hayyu tolcha, inni fulla tante hayyu taha.

¹² Hojja ilmaani tante wold'aqisa kiyya guute seera anini worra kennele jabeesite, ilmaani isaanileeni haga jiru jireenna fulla tante hayyu taati jette.

¹³ AABBO Waaqi ya Sioni fohate; inni fulla iti galu tolfachu fed'a: inni waan jed'u.

¹⁴ Tunini fulla anini haga jiru jireenna iti gale, keesati nama fidu.

¹⁵ Anini Sioni waan isiini feetu ch'ufa inkennaafi; hiyyeesa isiile ch'ufa sagale quubsa.

¹⁶ Anini qaalole isiile ch'ufa waan worri tolchu ch'ufa keesati eebise, nami isiileeni sirbe gammada.

¹⁷ Dira kana keesati nama d'aloota Daudi toko hayyu gudda tolcha. Artiti finna hayyu anini fohad'e muude jabeesa.

¹⁸ Anini nyaapa isaa aka male ch'eersa, ammo hayyumti isaa guddateti jabaati.