Faaru 118 - KITAABA WAAQA

¹ AABBO Waaqaa galata deebisa; inni dansaa, jaalalti isaaleeni haga jirtu ind'umatu.

² Worri Israeli ha, Jaalalti isaa haga jirtu ind'umatu jed'u.

³ Qaaloleeni d'aloota Harunileeni ha, Jaalalti isaa haga jirtu ind'umatu jettu.

⁴ Nami AABBO Waaqa sodaatuleeni ha, Jaalalti isaa haga jirtu ind'umatu jed'u.

⁵ Gaargala kiyya keesa anini AABBO Waaqa yaamad'e, duuba inni na d'agaye na baase.

⁶ Eegi AABBO Waaqi gama kiyya jiraate, anini woma insodaad'u, nami maani na tolchuu dandaa?

⁷ Nami na qarqaaru AABBO Waaqa tanaafi anini aka nyaapa kiyya dabsatani arga.

⁸ Fulla nama abdatani ira ufi kayani ira hojja AABBO Waaqa d'ugeefatani ira jirti.

⁹ Fulla hayyuufi qaallu ira ufi kayani ira hojja AABBO Waaqa d'ugeefatani ira jirti.

¹⁰ Nyaapi hedduuni ya na marse; anini ammo maqa AABBO Waaqatini ch'ufa dabsad'a!

¹¹ Worri gama ch'ufa na marse, ammo anini jabeenna AABBO Waaqatini worra balleese!

¹² Worri aka tiite kinniisa nati tuuche, ammo worri aka hot'ee yoosu gubata, anini jabeenna Waaqatini worra hobaase.

¹³ Aka male na had'ani na dabsachu gahani, jennaani AABBO Waaqi d'ufe na qarqaare.

¹⁴ AABBO Waaqi na jabeesaa irre naa kenna inni ya na baase.

¹⁵ Qonqo geerarsa ta waaro gumi Waaqa keesaa d'uftu d'agaya; jabeenna AABBO Waaqa guddati waan suni tolche!

¹⁶ Jabeenni isaa ya nu dabsachiise jabeenni inni woraana keesati garsiise!

¹⁷ Anini induu, ammo jiraad'e, waan AABBO Waaqi tolche namati odeesa.

¹⁸ Inni ya aka male na gaaragalche, ammo lubbu na inijeemne.

¹⁹ Balbala Mana Waaqaa naa bana; anini seene, galata AABBO Waaqaa deebisa!

²⁰ Tunini balbala AABBO Waaqaati; nama d'uga male nami d'ibiini oliini inseenu.

²¹ Ee AABBO Waaqa, waan atini na jalaa owaate na baafteefi anini si faarsa.

²² D'akhaani ijaartuuni tufate didde ya d'akha ch'ufa ira jaba tahe.

²³ Waan mama ka nu ila teennaani garre kana AABBO Waaqati tolche!

²⁴ Guyyaani kunini guyya AABBO Waaqi woi dabsate, koota woliini gammanne qilit'amna.

²⁵ Ee AABBO Waaqa, nu baasi, nu dabsachiisi, nu si kad'anna!

²⁶ Nami maqa AABBO Waaqatini d'ufu ha eeba argatu! Mana Waaqaa keesale nu isani eebimna.

²⁷ AABBOONI Waaqa; inni haguma duriti nuu dansa. Qooti guura, jila iti keeyad'a, waan sorio irati baasanini mara.

²⁸ Atini Waaqa kiyya anini galata sii deebise guddinna kanke odeesa.

²⁹ AABBO Waaqaa galata deebisa, inni dansaa, jaalalti isaa haga jirtu ind'umatu.