Faaru 116 - KITAABA WAAQA

¹ Anini AABBO Waaqa jaalad'a, waan inni na ch'aqase, kad'acha tiyya naa d'agayeefi.

² Inni hojja anini isaa yaamad'u ch'ufa na ch'aqasa.

³ Gaargali duaa na marse sodaani awaala na qabate, jennaani mudame lubbuuni na d'ufte.

⁴ Jennaani anini AABBO Waaqa yaamad'e, Ee AABBO si kad'ad'a na baasi jed'eeni!

⁵ AABBO Waaqi naaso, ammalle dansa; Waaqi keenna guddo nama naha.

⁶ Inni nama irre inqamne qorqorate gaafa anini gaargala qabu inni na baase.

⁷ Ee lubbu tiyya, AABBO Waaqi ya na eebise, garaa jabaad'i.

⁸ AABBO Waaqi duu na d'owe imimaani nara haaqe, miila kiyyale gufachuu d'owe.

⁹ Duuba akanaani anini lafa nama jiru keesa AABBO Waaqa jala deeme.

^10-11 Gaafa anini, gaargali ya na qabate nami d'ugaa lafa keesa injiru jed'ele, anini isa d'ugefachu illakimne.

¹² Wonti anini maro dansuma isatifi AABBO Waaqaa baasuu male maani?

¹³ Anini daad'i AABBO Waaqaa baase, Aabbo, atini ya na baafte, galati kanke imbadiini jed'aani.

¹⁴ Gumi isaa ch'ufa durati anini waan kakhad'e imbaasa jed'e ch'ufa baasa.

¹⁵ Hojja nami isaa toko duu AABBO Waaqi guddo laalefata!

¹⁶ Ee AABBO Waaqa anini hojattu teeti; akuma haati tiyya sii hojate, aninileeni si hojad'a. Atini ya duisa jalaa na baafte.

¹⁷ Anini sorio sii baase, galata si deebise, maqa kanke yaamad'a.

^18-19 Mana kanke qulqullo Yerusalemu keesa gumi tante ch'ufa durati anini waan sii baasa jed'e kakhad'e ch'ufa sii baasa. AABBO Waaqaa faarsa!