Faaru 115 - KITAABA WAAQA

¹ Siuma ch'alla ee AABBO Waaqa, siuma ch'alla nuuniti nami guddinna kennuufi mallani siuma, maro jaalala tante ta ind'umanneetiifi ta d'uga teeti.

² Gochiti maafi nu gaafate, Waaqi keesani me? nuni jetti.

³ Waaqi keenna gubba jira; inni waan fed'u tolcha.

⁴ Waaqi worraa waan harkaani mid'aasani, isa qarsifi worqi iraa tumani.

⁵ Inni afaani qaba, ammo dandae indubbatu, ila qaba, ammo dandae womaani inargu.

⁶ Inni gurra qaba, ammo dandae womanu ind'agau; inni funnaani qabu, ammo dandae womanu insuufu.

⁷ Inni harka qaba, ammo dandae woma inqabatu, miilale inqaba, ammo dandae indeemu; qonqooni womatu isa keesa imbaatu.

⁸ Nami isa mid'aase isa abdate ha akuma isa tahuti.

⁹ Gumi Israeli AABBO Waaqa abdad'a. Inni wonte isanii tahe isani qarqaara.

¹⁰ Isani qaalole gosa Haruni, AABBO Waaqa abdad'a, inni wonte isanii tahe isani qarqaara.

¹¹ Isani nami AABBO Waaqa sodaatu ch'ufti isa abdad'a. Inni wonte isanii tahe isani qarqaara.

¹² AABBO Waaqi nu qaabate nu eebisa; inni gumi Israelitiifi qaalole d'aloota Haruni ch'ufa ineebisa.

¹³ Inni nama isa sodaatu ch'ufa, diqaafi guddale ineebisa.

¹⁴ AABBO Waaqi isanifi d'aloota keesani daraarsinna!

¹⁵ AABBO Waaqi ka lafafi gubba uume isani eebisinna!

¹⁶ Gubbaani ta AABBO Waaqa ch'alla, ammo inni lafa yayu namaa kenne.

¹⁷ Nami due AABBO Waaqaa imfaarsu, yokhaani nami boola ekhera keesa bueleeni isaa imfaarsu.

¹⁸ Ammo nu nami jiru ammaafi hegerile AABBO Waaqa faarsina. AABBO Waaqa faarsa!