Faaru 112 - KITAABA WAAQA

¹ AABBO Waaqa faarsa! Ayyaana isaati ka AABBO Waaqa sodaatu, ka hojja seera isaa guutu gammadu.

² Ilmaani nama dansa lafa keesati irre horati; d'aloota isaa ch'ufa ineebisani.

³ Worri isaa woi horate dureesa tahe, innileeni haga jiru ch'ufa wohorate deebana.

⁴ Nama dansa dukana keesaa ifsaani ifsaafi, nama namaa nahu ka eeba qabu, ka d'uga gula deemu.

⁵ Ayyaana isaati ka arjomaani wa namaa liqeese daldala ufii kara d'ugaatini tolchu.

⁶ Nami dansaani haga jiru ind'ipatu; guyya ch'ufa isa qaabatani.

⁷ Inni odu hamtu iti d'uftu insodaatu, d'ugefachaani isaa jabdu, inni AABBO Waaqa d'ugeefata.

⁸ Inni yaada womatu inqabu, womale insodaatu. Duuba eege nyaapa isaa ka dabsatani arga.

⁹ Inni arjomaani hiyyeesa woi kenne, dansumti isaa haga jirtu inhobaatu, inni irre horate, gurra dansa argata.

¹⁰ Ch'ubbichi waan kana arginaani dallana; inni ilkaani qare baqe badda; abdiini isaa ya haga jiru jireenna iraa bade.