Faaru 111 - KITAABA WAAQA

¹ AABBO Waaqaa faarsa! Anini gumi Waaqaa durati garaa kiyya ch'ufaani AABBO Waaqaa galata deebisa.

² Wonti AABBO Waaqi tolchu ch'ufti waan mamaati! Nami waan suni maache ch'ufti guddo waan isii hubachuu fed'a.

³ Wonti inni tolchu ch'ufti jabeennaafi guddinna isaa garsiifti; d'ugaani isaaleeni haga jiru jireenna teeti.

⁴ AABBO Waaqi huji isaa ta mama ded'u nu d'owa; inni eebaafi naasu qaba.

⁵ Inni nama isa sodaatu sagale kenne, wold'aqisa ufile hojja ch'ufa qaabata.

⁶ Inni lafa gosa d'ibii gumi isaati kenne, akanaani irre ufii garsiise.

⁷ Wonti inni tolche ch'ufti waan d'uga ka d'ugeefatani; gorsi isaa ch'ufti waan nami d'ugeefate fud'achuu male.

⁸ Gorsi kunini haga jiru jireenna taha; gorsa kana d'ugaafi qajeelumani kennani.

⁹ Inni gumi isaa balchoomse, wold'aqisa haga jiru jireenna woliini tolfate. Inni qulqullo ammalle jabeenna qaba.

¹⁰ Nami qalbi horachuu fed'u qaraa fiit'e AABBO Waaqa sodaachuu male. Nami gorsa isaa gula deemu ch'ufti qalbi dansa argata. Haga jiru jireenna ha isaa faarsani.