Faaru 110 - KITAABA WAAQA

¹ AABBO Waaqi waan hayyicha abba kiyyatiini jed'e, Kooti arma moga tiyya ta mirga tahi, haga anini nyaapa kanke miila kanke jalati deebisuti.

² AABBO Waaqi jabeenna kanke ka hayyuma Sioni ch'alla keesati illakisu, fulla d'ibile geese waan jed'u, Nyaapa kanke mohad'u.

³ Guyya atini nyaapa kanke haatu, nami kanke ufi gabaasa. Akuma fit'eesa ganamaa, kaima kanke gaareeni kanke qulqullo irati siti d'ufa.

⁴ AABBO Waaqi ya kakhate, kakhu suni guutuu male intau: inni waan jed'e, Atini haga jiru jireenna aada Melkizedeki gula qaallu taata.

⁵ Aabbooni gama kanke ka mirga jira; inni hojja dallanu hayyoota imballeesa

⁶ Inni gosa ch'ufa wollaala iti mure, fulla iti wolhad'ani ch'ufa reefaani guuta; inni hayyoota lafa ch'ufa keesa jirtu indabsata.

⁷ Hayyichi galaana d'aatu karaa yau keesaa bisaani d'uge, jajabaate, lubbuuni iti deebiti.