Faaru 11 - KITAABA WAAQA

¹ Anini AABBO Waaqati d'eed'a. Atini maafi daalloofte dubbi tana nani jetta? Aka simpirre gaarati barrisi,

² ch'ubbichi yayu t'iya fud'ate, guube guure, dukana keesati nama d'ugaa qajeela abbire had'a.

³ Yo wonti ch'ufti hammate nami d'ugaa qajeelani maani taha?

⁴ AABBO Waaqi Mana isaa qulqullo keesa taa; barch'umaani isaa ka guddinna gubba jira. Inni ila ufiitini nama ch'ufa ilaale, waan worri tahu beekha.

⁵ Inni nama d'ugaa qajeelafi ch'ubbichale inilaala garaani isaa nama woi yaku guddo jibba.

⁶ Inni ch'ile bobeetufi aara gubbaa gabuuse ch'ubbicha gubbati rooba; bubbe woi gubduni worra gube balleesa.

⁷ AABBO Waaqi ka d'ugaati, inni waan d'ugaa ka qajeela jaalata. Nami d'ugaafi qajeeluma gula deemu isaa inarga.