Faaru 104 - KITAABA WAAQA

¹ Ee lubbu tiyya AABBO Waaqa faarsi! Ee AABBO Waaqa kiyya, atini akami gudda! Atini guddinnaafi ulfinna uyifate, ifsa woyaa tolfate.

² Atini gubba aka waaro ballifte,

³ mana kanke bisaani gubba irati jaarate. Atini dumansa gaari tolfate, koola bubbe yaabate.

⁴ Atini bubbe ergattu tolfate, angaasule hojattu tolfate.

⁵ Atini yayu yayaba lafaa jabeesite, isiini deebite inchochootu.

⁶ Atini baariini aka woya isi gubba keete, bisaani sunini gaareeni ch'ufa duuchani.

⁷ Atini bisaani suni d'owinaani isaani si d'eetani: Isani mandisu tante d'ageennaani baqatani.

⁸ Isaani gaara gubba baleeti ga buani, fulla atini mid'aasitefiti yaani.

⁹ Atini seera bisaani suni keete, aka isaani deebiani lafati infach'aamne.

¹⁰ Atini bale keesaa madda yaafte jiddu kubile laga baafta.

¹¹ Laga suni keesaa bineensi bisaani d'uge, harreeni diidaleeni d'eebu baati.

¹² Mukeeni d'aatu isa jiru irati simpirreeni mana jaarate sirbiti.

¹³ Atini gubbaa gaareeniti ga roobde, laftileeni eeba teetiini guutamti.

^14-15 Atini marra horii baafte, mukhale nama baafta; aka akasiini inni mid'aanifi daad'i isa gammachiiftuufi; d'aad'a inni ifsaatufi qit'a jabeenna isaa kennule ira argatu.

¹⁶ Hind'eesi Lebanoni mukeeni AABBO Waaqi oobre, bokaya gudda argata.

¹⁷ Mukeeni suni gubbati simpirreeni mana jaarate, mukeeni d'ed'eertu iraleti baabo alloona mana jaarate.

¹⁸ Reeni alaa gaareeni d'ed'eertu gubbati galte, osileleeni d'akhaa gubbati d'okhati.

¹⁹ Atini jia uumte, akasiini bulti bonaafi rooba garsiifte; aduleeni hojja d'iitu imbeeti.

²⁰ Atini halkanile uumte dukana keesa bineensi alaa ch'ufti gabaha.

²¹ Kubleeni nyeench'a ato adamsitu; itante sagale Waaqi kennuufi barbaaddi.

²² Hojja lafti bariitu, isiini deebite goda ufiti galte gach'iifti.

²³ Duuba nami gabahe, huji ufii haga aduuni d'iituti hojata.

²⁴ Ee AABBO Waaqa, atini waan heddu uumte! Atini qarooma akamitiini waan kana ch'ufa uumte. Wonti atini uumte sunini ch'ufti ya lafa guute.

²⁵ Achi baariiniti jira — inni guddo balla; isa keesa bineensa hedduti gala, didiqaafi gugurdaleeni.

²⁶ Hobolooni gubba deemte, gorjami Lewiathani jed'anileeni keesa tabata.

²⁷ Wonti kunini ch'ufti hojja sagale feetu sira barbaaddi.

²⁸ Atini sagale kenniteefi jennaani nyaatani quufani.

²⁹ Atini dudda iti gaargalaani worri sodaate; atini hafuura keesa funnaani worri due biyye keesaa baheeti deebia.

³⁰ Hafuura keetiini worri uumame; atini jireenna haaraa lafaa kennita.

³¹ Guddinni AABBO Waaqaa ha haga jiru jireenna tahuti! AABBO Waaqi waan inni uume ira ha gammaduti!

³² Inni lafa millannaani isiini hollatte; inni gaareeni tunnaani aari keesaa bahe.

³³ Anini haga jiru ch'ufa AABBO Waaqaa sirba; haga lubbuuni na keesa jirtu anini Waaqa kiyya faarsa.

³⁴ Sirbi kiyya ha isa gammachiisu, wonti akanatiifi gammadi kiyya isa iraa d'ufa.

³⁵ Worra ch'ubbuu ha lafaa d'abani. Lubbu tiyya AABBO Waaqa faarsi! AABBO Waaqa faarsi!