Faaru 103 - KITAABA WAAQA

¹ Ee lubbu tiyya, AABBO Waaqa faarsi! Ee nafa kiyya ch'ufa, maqa isaa qulqullo faarsi!

² Ee lubbu tiyya, AABBO Waaqa faarsi, dansuma isaa iwollaaliini.

³ Inni ch'ubbu tiyya ch'ufa naa araarame, d'ukuba kiyya ch'ufa na fayyisa.

⁴ Inni boola awaala dura na baase, naasufi jaalala naa kenne na eebisa.

⁵ Inni haga anini jiru ch'ufa waan dansa naa kenne na quubse, aka akasiini anini kaimuma tiyya keesa aka risa jabaad'e taau.

⁶ AABBO Waaqi nama dabsani d'uga mure, waan worraa malle kennaafi.

⁷ Inni mala ufii Musa garsiise, waan jabdu ufi tolchele worra Israeliti mullise.

⁸ AABBO Waaqi naasufi eeba qaba, hurre indallanu, jaalalti isaaleeni ind'umatu.

⁹ Inni hojja ch'ufa lole nama ingorsu, guyya ch'ufale namati indallanu.

¹⁰ Inni ch'ubbu teenna gula nu ingaargalchu, yokhaani wollaala keenna gula waan nu malle nu inkennu.

¹¹ Jaalalti inni nama isa sodaatu jaalatu haguma fageenna lafafi gubbaani wolhanqattu geeti!

¹² Akuma ilti boru ila aduu iraa fago jirtu, akasuma inni ch'ubbu teenna nuraa fageesa.

¹³ Akuma abbaani ilmaani ufiiti nahu, akasuma AABBO Waaqi nama isa sodaatu naha.

¹⁴ Inni waan duri iraa nu uume imbeekha, aka biyye iraa nu mid'aase inqaabata.

¹⁵ Jireenni namaa akuma buyyo jira inni bahe aka buyyo daraara;

¹⁶ duuba bubbeeni d'ufte hafufte balleesiti nami deebie inargu.

¹⁷ Ammo nama AABBO Waaqa sodaatu jaalalti isaa haga jirtu biraa indeemtu, dansumti isaaleeni haga jirtu ch'ufa,

¹⁸ nama wold'aqisa isaa guute seera isaa jabeesu ilakiftu.

¹⁹ AABBO Waaqi barch'uma ufii gubba d'aabe duuba waan ch'ufa mohata.

²⁰ Isani malaikaani jajabduni, ta seera isaa guute dubbi isaa ch'aqaftu, AABBO Waaqa faarsa.

²¹ Isani worri gubba jajabaani hojattu isaa ta fed'i isaa tolchitu, AABBO Waaqa faarsa!

²² Wonti AABBO Waaqi uume, ta fulla inni fidu ch'ufa jirtu, ha AABBO Waaqa faarsitu. Lubbuuni tiyyaleeni ha AABBO Waaqa faarsitu!