Faaru 102 - KITAABA WAAQA

¹ Ee AABBO Waaqa, kad'acha tiyya naa d'agayi, qarqaarsa anini si kad'ad'u naa kenni!

² Hojja anini gaargala qabu naraa garaingaliini! Na ch'aqasi, hojja anini si yaamad'u hurrisi na qarqaari!

³ Guyyaani kiyya akuma aara dabru jira, nafi kiyya aka ibida bobaa.

⁴ Lubbuuni tiyya yayu aka buuyo gogodde ch'ach'abt'e; anini sagale tokole nyaachu imfed'u.

⁵ Anini ya waacha d'aqe ufi jibbaad'e gogafi lafe ch'alla tahe.

⁶ Anini allaati lafa aloo yokhaani urungu onati galtu fakaad'a.

⁷ Anini rafu dad'abe, simpirre koba mana gubba teetu fakaad'a.

⁸ Hojja ch'ufa nyaapi kiyya na miid'a, nami na goyesuleeni maqa kiyyaani woli abaara.

^9-10 Maro dallansu tanteetifi daaraani sagale naa taate, imimaani kiyyaleeni waan anini d'uguuni wolti makhamani. Atini oli na fuute gadi na gatte.

¹¹ Jireenni kiyya gaandidu galgalaa fakaata, anini buyyo gogodde fakaad'a.

¹² Ammo Ee AABBO Waaqa, atini hayyu haga jiru jireennati! Gurri kanke haguma jiru imbaddu.

¹³ Atini kaate, Sioni naata; hojaani ya geete ta isii nahu malani; hojaani suni tana.

¹⁴ Hojattuuni tante isi jaalati, ato isi balleesanile; ato isiini badda ona taatele worri isii naha.

¹⁵ Gochiti ch'ufti AABBO Waaqa sodaate, hayyooti lafa ch'ufaleeni jabeenna isaa sodaati.

¹⁶ Hojja AABBO Waaqi dira Sioni ka qara bade jaaru, inni guddinna ufii nama garsiisa.

¹⁷ Inni gumi isaa ta lakisani ch'aqase, kad'acha worraale d'agayaafi.

¹⁸ Waan AABBO Waaqi tolche d'aloota takaa tanalee t'aafa, aka akasiini nami qara ind'alatinileeni isaa faarsu.

¹⁹ AABBO Waaqi, ka fulla qulqullo gubbaa jiru, Fulla Qulqullo suni gadi ilaale, lafa arge.

²⁰ Inni waacha worra hid'aansa keesa jiru d'agaye, nama duisa iti murani gad'iisa.

^21-22 Duuba akasiini maqa isaa Sioni keesati odeesani, gaafa lafafi gochiti ch'ufti wolti baate AABBO Waaqa kad'atu, Yerusalemu keesati isaa faarsani.

²³ Ato anini kaimatiyu AABBO Waaqi yayu irre na d'owe, guyya kiyya gabaabse.

²⁴ Ee Waaqa, ka haga jiru jireenna teetu, haga anini jaare hobauti na inijeesiini.

²⁵ Atini duri lafa uumte harka keetiini gubba mid'aasite.

²⁶ Wonti sunini ch'ufti indabarti, ammo atini haga jirtu inuma teeta; wonti kunini ch'ufti akuma woya hobaati. Atini aka woya isi jijirta, isiini inuma badi.

²⁷ Ammo atini sunuma, ganni kankeleeni inhobau.

²⁸ Ijoolleeni teenna nagayaani teete, qorqorti tanteetiini d'alooti isii nagaya argata.