Faaru 10 - KITAABA WAAQA

¹ Ee AABBO Waaqa, atini maafi fago nura ejite hojja nu gaargala qamnu nu d'okhatta?

² Ch'ubbichi ufi saade kiyyiba ufii keesa hiyyeesa dabsa; t'urura worri mid'aafate keesati ha worra qabaniti.

³ Ch'ubbichi d'araa isaa hamtuuni koora; sabdichileeni AABBO Waaqa abaare isa dida.

⁴ Ch'ubbichi herega isaa keesa diqole Waaqa inargu; inni kiyyibe, Waaqi injiru jed'a.

⁵ Hujiini isaa ch'ufti intolti. Inni dandae qorsuma Waaqa inhubatu; inni nyaapa isaa ch'ufa tufate goyesa.

⁶ Inni waan ufiini jed'u wonti na chochoosa injirtu; anini haguma jiru gaargala inargad'u.

⁷ Afaani isaa abaarsafi kiyyibafi, dubbi nama sodaachiftuti keesaa baha. Inni yoosu dubbi ch'ubbu hamtu dubbata.

⁸ Inni ollowani keesati d'okhate, nama woma iyakiini gaade ijeesa. Inni nama ufi indandeenne,

⁹ aka nyeench'a goda keesati eegata. Inni hiyyeesa gaade, t'urura keesati qabe hirkise itiini d'aabata.

¹⁰ Nami ufi indandeenne suni gagabe ufumaa ch'iisa; nama hama irre qabuti akasi isa tolche.

¹¹ Ch'ubbichi waan ufiini jed'u, Waaqi waan anini tahe kana iyyaalu, inni fuula d'ofate waan tahe laaluu dida!

¹² Ee AABBO Waaqa, kai, ch'ubbicha gaargalchi! Ch'ubbicha suni gaargalchi! Nama gaargala qabu qaabad'i.

¹³ Ch'ubbichi maafi Waaqa tufate, Waaqi dandae woma na intolchu? Ufiini jed'a.

¹⁴ Ammo atini inuma agarta, atini gaargalafi laalala agarte, yo ch'ufa kurfo jirta aka nama qarqaartu. Nami qarqaarsa inqamne siti ufi kenna; atini haguma duriti d'ipata qarqaarte.

¹⁵ Irre ch'ubbichatifi ta dabdicha ch'ach'absi; maro hameenna worri tolcheefi worra gaargalchi, haga worri iraa deebiuti.

¹⁶ AABBO Waaqi hayyu haga jiru jireennati. Nami waaqa d'ibi kad'atu lafa isaa keesaa bada.

¹⁷ Ee AABBO Waaqa, atini kad'acha hiyyeesa d'ageete, garaa jabeesita.

¹⁸ Atini boha nama dabsanitiifi ta ilmaani hiyyeeyi d'ageeta; atini worraa dubbatte, akasiini nami ka ufiftu woma ufii imbaane deebie worra imudamsisu.