Ezekieli 8 - KITAABA WAAQA

¹ Guyya shaneeso, jia jaeeso, ka ganna jaeeso ka eegi nu boojiani, ka anaafi jaaroleeni Yuda mana kiyya keesa woliini jiru, anini akanumati aka jabeenni Waaqa na seene ufi arge.

² Jennaani anini olmilad'e, waan aka namaa jira arge. Nafi isaa hid'aanaa gadi, ibida fakaata, ammalle hid'aanaa oli aka sibiila diima, ka rigani qulqulleesani, bibiliqa.

³ Inni waan aka harkaa jira d'eerefate rifeensa mata na qabe. Jennaani daayya tana keesa lubbuuni AABBO Waaqa oli na fuute, Yerusalemu na geesite, naabo Mana Waaqa garaa keesa fulla fullooni mirga fuula deefatutini na d'ufte. Fulla fullo suni waan harkaani boch'ani kad'atani, ka AABBO Waaqi aka male jibbuti jira.

⁴ Jennaani anini ifsa bibiliqu, ka aka Waaqi Israeli arti jiru garsiisu, ka qara anini gaafa d'aatu galaana Kebari jiru arge kaani arge.

⁵ Waaqi waan nani jed'e, Namicha, mirga millad'i. Anini millad'e jennaani d'aatu waan sorio irati qalani, ta fulla balbala fullo jirtu, waan harkaani boch'ani kad'atani, ta Waaqi aka male jibbu arge.

⁶ Waaqi waan nani jed'e, Namicha, waan worri tae kana garta? Waan hamtu worri Israeli armati tolchu kana ilaali, ka fulla tiyya qulqullo tana iraa na fageesu. Ammo atini waan waan kana ira hamtu inagarta.

⁷ Jennaani inni balbala naabo ala na geese, fulla isiini qooftuuni na garsiise

⁸ waan jed'e, Namicha d'akha naabo tanaani jaarani kana ch'ach'absi. Anini ch'abse jennaani balbala arge.

⁹ Inni waan nani jed'e, me, balbala tanaani olseeni, waan ch'eera hamtu worri kunini tolchu jiru laali.

¹⁰ Duuba anini olseene, fulla inni na gaarsiise taani ilaale, jennaani akheekha bofatifi ka bineensa qulqullo intahinitifi waan d'ibi worri Israeli kad'atule, ka irati barreesani, arge.

¹¹ Fulla suni jaarole Israeli nama torbatama jira worra suni keesa Yaazania ilma Shafaniti jira. Worri sunini ch'ufti waan hit'aana iti aarsani, ka aari keesaa yauti jiru harkaa qaba.

¹² Waaqi waan nani jed'e, Namicha, waan jaaroleeni Israeli tunini d'ossaani tahu jirtu garta? Worri mana akheekhi waan hamtu guute keesati kad'achuu jira. Worri waan jed'u, AABBO Waaqi ya lafa tana lakise, waan nu taanu kanale inargu.

¹³ Jennaani AABBO Waaqi waan nani jed'e, Atini waan hagana ira ch'eera, ka worri kunini tolchu, agarta.

¹⁴ Jennaani inni balbala mirga ta Mana Waaqa na geese, nad'eeni waaqa worraa, ka Tamuzi jed'ani, ka lubbu d'abe, bootu na garsiise.

¹⁵ Duuba inni, Namicha, waan kana garta? Waan hagana ira hamtule inagarta nani jed'e.

¹⁶ Jennaani inni ch'icha Mana Waaqa na geese; anini d'aatu balbala Mana Waaqaa, waan sorio irati baasanifi kara jiddu keesa, nama d'iira diddami shani arge. Worri Mana Waaqa dudda iti gale ilaboruti fuula deefate, gajejed'e, biiftu baatu kad'ate.

¹⁷ AABBO Waaqi waan nani jed'e, Namicha, waan kana garta? Worri Yuda kunini waan hamtu atini gartu kanafi had'iisa lafa tana ch'ufa keesati baasani kunileeni worraa ingahu. Ammo worri fulla Mana Waaqa tana d'ufe waan kana tolche haga qarale ira na dallansiisa. Aka worri aka male na tufate, ch'eeraa foko naa d'abe ilaali!

¹⁸ Tanaafi worri dallansu tiyya duraa imbahu. Anini worraa biraa indeemu, yokhaani innahufi. Ammalle yo worri haga dandau iyye na kad'atule inch'aqasu.