Ezekieli 22 - KITAABA WAAQA

¹ AABBO Waaqi na yaame waan nani jed'e,

² Namicha, dira kana, ka nami nama fit'u keesa guute, wollaala iti imurtu? Yoosi waan hamtu inni tae ch'ufa diideesi iti himi.

³ Waan atini dira kanani jettu, AABBO Waaqi guddaani waan jed'u: Waan atini nama kanke heddu fit'e, waan harkaani boch'ani kad'ate ufi t'ureesiteefi, amma guyyaani kanke ya alaa hobae,

⁴ wonti guyyaani kanke gabaabate ala hobaeefi, waan atini nama fit'e Waaqa d'ara kad'ate ufi t'ureesiteefi! Tanaafi anini gosa d'ibi si tufachise, nami lafa d'ibileeni si goyeesa.

⁵ Nami fago jiruufi ka d'io jiruleeni si tufateti si goyeesa, maro hameenna keetitifi.

⁶ Nami Israeli gugurdaani nama dura yau, ka siti galu ch'ufti, humna ufi, d'aabate nama fit'a.

⁷ Nami si keesa jiru tokoleeni, ka worra ufiiti saalfatu, injiru. Atini nama gosa d'ibi, ka si keesa tau dabsite, nad'eeni hiyyeeyifi ilmaani hiyyeeyile saamte.

⁸ Atini fulla qulqulloole ch'eeru didde, guyya Sabatole jabeesu didde.

⁹ Nami kanke hagi toko d'ara waan nama d'ibi odeese akasiini dua keesa worra buuse. Hagi toko sorio waaqa d'araati baasani nyaate, hagiini waan hamtuni d'araa ufi baasa.

¹⁰ Ammalle hagi gari nad'eeni abbooti worraa bira rafe, hagi garileeni nad'eeni aada uwa qabdu buufata.

¹¹ Hagi tokoleeni nad'eeni biyya barate ka d'ibileeni soddowaani ufi yokhaani oboleyaani isaani ta dubra ta haati d'ibiini d'alte faraani.

¹² Nami kanke ka d'ibileeni gumbo fud'ate nama fit'a. Hagi garileeni gati gosa ufiti kenne, tirfi jala fed'ate, akasiini nama dabse ufi duroomsa. Worri kunini ch'ufti ya na ded'e. Nami dubbi tana jed'e AABBO Waaqa gudda.

¹³ Anini hanna keesanifi ijeecha teesani ya obsu dad'abe d'ajjifad'e.

¹⁴ Atini mala keeti eegi anini waan si tolchu fed'u ch'ufa hobaase, waan jannoomi si keesati hafe irre qabaate, harka dandeete olfud'attu seeta? Nami dubbi tana jed'e ana, AABBO Waaqa. Anini dubbi tiyya guutu male intau.

¹⁵ Anini nama kanke gosa ch'ufafi lafa ch'ufa keesa firfirse, huji tante hamtu ch'ufa hobaasa.

¹⁶ Duuba akanaani gochiti taani d'ibiini si tufate, ammalle atini aka anini AABBO Waaqa beeta.

Ibida Waaqa ka woini bassani

¹⁷ AABBO Waaqi na yaame waan nani jed'e,

¹⁸ Namicha, worri Israeli kunini woma naa imbahu, worri akuma udaani sibiila jira, sibiila diima taanaani, saldaqa taanaani, sibiila guraacha taanaani, sibiila qalai qawe ira mid'aasani taanaani — ka eegi qarsi bassani ibida keesati hafu.

¹⁹ Tanaafi amma tana anini, AABBO Waaqi guddaani, waan worraani jed'u, Isani akuma udaani sibiila suni jirtani, ka woma imbaane. Anini Yerusalemu keesa wolti isani bassa,

²⁰ akuma qarsifi sibiila diimafi sibiila guraachafi sibiila qalaitifi saldaqa, ka wolti guurani bassani. Akuma ibidi sibiila suni bassu, dallansuuni tiyya isani bassiti.

²¹ Ee, anini Yerusalemuti wolti isani baase, ibida isani jalati bobeese, dallansu tiyyaani isani bassa.

²² Akuma qarsi ibidaani bassani, Yerusalemu keesati isani bassa, duuba akanaani isani, aka AABBO Waaqi isaniti dallane, beetani.

Ch'ubbu jaaroleni Israeli tolchite

²³ Ammalle AABBO Waaqi na yaame waan naani jed'e,

²⁴ Namicha, waan atini worra Israelitini jettu, Lafti teesani ya t'uroofte badde, taanaafi anini dallansu tiyya keesa isani balleesu fed'a.

²⁵ Jaaroleeni worraa tunini aka nyeench'a bineensa ijeese ira tae itanu jirti. Worri nama fit'e beesefi horile haga dandau ch'ufa fud'ate, akanaani nad'eeni heddule hiyyeeyi tolcha.

²⁶ Qaaloleeni worraa seera kiyya ch'absite, miha kiyya ka woyyu ch'ufa t'ureesiti. Worri waan qulqulloofi ka qulqullo intahini tokole gargari imbaasu, ammalle waan t'uri qabatifi ka t'uri inqamnele akuma waan taka barsiise, guyya Sabatole yaalu dide, waan worri tae kanafi worri Israeli ch'ufti na tufate.

²⁷ Jari lafa mohatuleeni aka yai bineensa nyaatu gargari hero d'ooftu jira. Worri nama ijeese akanaani ufi duroomsa.

²⁸ Raagooti worraleeni akuma nami booji adii mana dibe, t'uri isa d'ossu, ch'ubbu worraa d'ossiti. Worri daayya d'ara arge, dubbi kiyyiba fage, Nu dubbi AABBO Waaqa gudda dubbanna jed'ani, ka anini, AABBO Waaqi guddaani, worraani indubbatini.

²⁹ Dureeyyiini nama sobde, nama saamte, hiyyeesafi nama gosa d'ibi, ka lafa worraa keesa taule, waan hamtu tolchite balleesiti.

³⁰ Anini nama naabo d'akhaani jaare, fulla isiini ch'ach'abt'eeni eje, hojja anini dallansu tiyya keesa isi balleesu d'ufu worraa kalchu tokole ilaani barbaade d'abe.

³¹ Tanaafi anini aka taka inargini worrati dallane waan hamtu worri tae kana gula aka ibida worra gube balleese. Nami dubbi tana jed'e AABBO Waaqa gudda.