Ezekieli 2 - KITAABA WAAQA

¹ Qonqooni suni waan nani jette, Namicha, kai, oli eji, anini woi sini jechu fed'a.

² Ato anini tae qonqo suni waan isiini jettu ch'aqasu, lubbuuni Waaqa naa seente oli na kaafte, jennaani qonqo akana jette na yaamtu d'agaye.

³ Namicha, anini gara gumi Israeli si erga. Worri ya nati garagale nyaapa nati tae, akuma ababooti worraa duri taate.

⁴ Worri mata jajaba, diqole naa insaalfatu, tanaafi anini amma si erga, aka atini waan anini, AABBO Waaqi guddaani, jed'u worrati himtu.

⁵ Worri na dide sunini yo si ch'aqaseefi yo si ch'aqasule baate, aka raagi worrati d'ufe imbeekha.

⁶ Ammo, namicha, atini worraafi dubbi worrale insodatini. Ato worri aka mogoreetifi qoraati si marse, qanjibu siti tahele, worraafi waan worri jed'ule ind'eetini. Worra mata jaba, ka na dide suni, insodatini.

⁷ Ato worri si ch'aqase si ch'aqasule baate, waan anini sini jed'u kana worrati himi. Beekhi worri worra mata jajaba ka nami waan isaa dandauniti.

⁸ Namicha, waan anini sini jed'u ch'aqasi, mata jabaatte aka worraa na jalaa indidini. Afaani banad'i, waan anini siti kennu kana nyaad'i.

⁹ Jennaani anini harka woraqata na dura qabu jiru arge.

¹⁰ Harki kaani woraqata kaani gargari saaqe, jennaani aka gama isaa lachu t'aafani barreesani arge — gama lachutu dubbi laalalaatifi bohafi owanna t'aafani.