Ezekieli 19 - KITAABA WAAQA

¹ Waaqi waan nani jed'e, Hayyoota Israeli akana faarsi bohi:

² Haati tante nyeench'a akami! Isiini kuble isii jiddu koromto nyeench'ati guddifti.

³ Isiini kuble isii aka dansaa guddifte adamo barsiifte, jennaani kubleeni suni guddate, goorjama taate.

⁴ Gochiti lafaa waan isaa d'ageete, boola keesati t'ururaani qabde, hookooni lafa Misiriti hirkifte.

⁵ Isiini eegaa d'at'e ufi jibbannaani, kuble isii d'ibi guddifte, kubleeni suni guddate, nyeench'a hama taate.

⁶ Inni guddannaani nyeench'a d'ibiini woliini woi gaade, innileeni waan adamo barate goorjama tae, nama nyaate.

⁷ Inni maneeni jajabdu ch'ach'abse dira ch'ufa balleese. Nami lafa suni keesa tau ch'ufti itansu isaa d'ageennaani mumudame.

⁸ Jennaani gochiti ch'ufti gara ch'ufaa wolti d'ufte isa haate; worri t'urura isaani isaa kaye boola keesati isa qabe.

⁹ Isa goomooni qabani hayyu Babiloniti geesani. Achiti isa hid'ani, aka gaareeni Israeli gubbati deebiani itansu isaa ind'ageenne.

¹⁰ Haate mukha zabibu ka d'aatu yaato bisaani eju fakaati. Waan guddo bisaani argatuufi mukhi sunini bahe, bosone mid'aani baasa.

¹¹ Dameeni isaa jajabdu, isiini baate boku hayyootaa taate. Mukhi sunini d'eerate dumansa tuqe, nami ch'ufti aka inni d'eerate bosone arge.

¹² Ammo dallansuuni hundaani buqisani lafa buusani, bubbeeni ilaboruti d'ufte, mid'aani isaa gogositi, dameele isale ch'ach'absani gogosani gubani.

¹³ Ammalle lafa gamooji owitu d'eebichati d'aabani.

¹⁴ Ibidi hunda zabibu taani qabate, dameeleefi mid'aanile gube. Dameeleeni isiileeni deebite jabaatte boku hayyu intaatu. Tunini faaru bohati, ta hojja ch'ufa d'aatani.