Ezekieli 17 - KITAABA WAAQA

¹ AABBO Waaqi na yaame waan nani jed'e,

² Namicha, mammaasa kana worra Israeliti himi waan jettuuni,

³ AABBO Waaqi waan jed'u: Duri risa gudda tokoti jira, ka koola baricha mid'aaga qabu. Inni gara gaareeni Lebanoni barise, fiit'e dame hind'eesa ch'abse,

⁴ lafa daldaltuni jirtuti geese, dira daldaltu keesa buuse.

⁵ Jennaani inni latta mukhaa lafa Israeli keesaa hundaani buqise, lafa bisaani, ta biyye dansa qabdu, keesa d'aabe.

⁶ Mukhi kaani latte bahe, mukha zabibu gabaaba banticha tae. Dameeni isii baate, olqajeelte, gara risa kaani laalte, hiddileeni bahe ga fagaate. Zabibuni sunini aka dansaa baate bosonte.

⁷ Ammalle risa gudda dabasicha, kooli haga woi gahu, tokoti jira. Duuba zabibu taani hiddaafi dameeni isiileeni gara risa kaani qajeelte baate, aka sila akanaani isiini risa suni ira bisaani qara isiini oobru keesaa argatu kaani ira argatu.

⁸ Ammo zabibu tana qarumayu yayu lafa bisaani ta biyye dansa qabdu keesati oobrani, aka isiini baate bosonte mid'aani guddo baaftu.

⁹ Duuba anini, AABBO Waaqi guddaani, waan jed'u, mukhi zabibu kunini bahe inuma guddata? Risani qara kaani hiddaafi dame buqise mid'aani ch'ufa ira guure ingogosu? Buqisiti mukha suni irre guddofi gosa guddo iti imbarbaadani,

¹⁰ d'uguma mukha suni yayu d'aabani, ammo inni bahe inguddata? Yo bubbeeni ilaboruti d'uftu isa d'ooftu, inni ingogogu? Fulluma isa iti d'abaniti ingogogu?

Aka mammaasa diigani

¹¹ Jennaani AABBO Waaqi waan nani jed'e,

¹² Worra na didu kanani, Isani waan mammaasa kana beetani? jed'i gaafad'i. Ammalle waan jettuuni, Hayyuuni Babiloni Yerusalemu d'aqe, hayyu Yerusalemutifi jaarole isaa gugurdo boojie Babilonitini gale.

¹³ Inni worra hayyu keesa nama toko fuud'e, namichi suni woldubbatani dubbi suni iti wold'aqani, jennaani inni isaa kakhachiise. Ammalle inni jara gugurda boojie suni fuud'e,

¹⁴ aka gochiti Israeli kakhu suni guute isati gara ingalle.

¹⁵ Ammo hayyichi Yuda dubbi suni dide, nama Misiriti erge, fardooleefi askarti heddu kad'ate. Inni waan suni inargata? Dandae duraa imbaha? Inni yo wold'aqisa suni ch'abse, dandae duraa imbaha?

¹⁶ AABBO Waaqi guddaani waan jed'u, Anini iti kakhad'a, aka hayyuuni kunini lafa Babiloni keesati duu, waan inni kakhufi wold'aqisa inni hayyu Babiloni ka isa hayyu tolche, woliini tolfate, ch'abseefi.

¹⁷ Yo worri Babiloni boola marse qote, ammalle aka nama heddu fit'u biyye olbaasu, askartini hayyu Misiri hedduleeni dandeete lola suni keesa isaa qarqaarsa intaatu.

¹⁸ Inni ka kakhufi wold'aqisa worri woliini tolfate ch'abse waan kana ch'ufa tolche, amma tana dandae duraa imbahu.

¹⁹ Tanaafi AABBO Waaqi guddaani waan jed'u, Anini inkakhad'a, aka nama kana, waan inni wold'aqisa qara na durati inguuta jed'e, ch'abseefi, balleesu.

²⁰ Anini t'urura isaa kaye isa qabe lafa Babiloni isa geesa, waan inni na d'agayu dideefi.

²¹ Askarti isaa jajanna ch'ufa lola keesati fit'ani, ta baateleeni ch'ufti lafa ch'ufa keesati bitinoofti. Duuba akanaani, aka dubbi tana anini AABBO Waaqi jed'e, beetani.

Aka Waaqi eege finna dansa Israeli deebise

²² Wonti AABBO Waaqi guddaani jed'u tana: Anini fiit'e hind'eesa d'eerati dame latta buqise, gaara Israeli ka

²³ gaara ch'ufa ira d'eerati d'aaba. Duuba dameeni suni latte baate, bosonte mid'aani baafte hind'eesa gudda mid'aaga taati. Simpirreeni gosa ch'ufa irati mana jaaratte gaadisa isale boqotti.

²⁴ Akanaani mukhi lafa keesa jiru ch'ufti aka anini AABBO Waaqa beekha. Nami mukha d'ed'eera mure gabaaba baase d'ed'eereersu anuma. Ammalle anumati mukha doti gogose gogale dotteesa. Nami dubbi tana jed'e ana, AABBO Waaqa. Anini waan jed'u inuma guuta.