Ezekieli 14 - KITAABA WAAQA

¹ Jennaani jaaroleeni Israeli hagi toko d'ufte woi na gaafate.

² Duuba AABBO Waaqi na yaame waan nani jed'e,

³ Namicha, jari kunini yayu Waaqa d'ara, ka harkaani boch'ani kana jaalate gula yae, akanaani ch'ubbu keesa ufi buuse. Worri waan anini dubbi worra jalaa qabu seha.

⁴ Duuba amma waan worraani jettu, wonti AABBO Waaqi guddaani jed'u tana: Nami Israeli ch'ufti, ka waan harkaani boch'ani kana jaalate, gula deeme akanaani ch'ubbu keesa ufi buuse, duuba eege raaga woi gaafachu d'ufu, anumati waan harkaani boch'ani, ka inni gula deemu suni gula, waan isa male kennafi!

⁵ Wonti harkaani boch'ani sunini ch'ufti yayu worra Israeli naraa garagalchite, ammo anini dubbuma tiyya tanaani worra ufi gula deebisa.

⁶ Tanaafi waan atini worra Israelitini jettu, wonti AABBO Waaqi jed'u tana: Kara hama qara keesa jirtani suni iraa deebia, waan harkaani boch'ani kana lakisa.

⁷ Hojja nami Israeli toko, yokhaani nami gosa d'ibi, ka lafa Israeli keesa godaanu, naraa garagale, waan harkaani boch'ani kad'ate d'aqe raaga woi gaafatu, ana, AABBO Waaqati, jecha isaa male jed'ani!

⁸ Anini isati kae, gumi tiyya keesaa isa balleese, akanaani inni akheekha worraa taha. Duuba akasiini aka anini AABBO Waaqa beetani.

⁹ Yo raagi sobame dubbi d'ara fage, nami isa sobe ana, AABBO Waaqa. Duuba anini isati kae, gumi Israeli keesaa isa baasa.

¹⁰ Raagafi nama isa wo gaafatule woma takaati qabata.

¹¹ Akanaani anini worra Israeli ufiraa garagalu d'owe, ch'ubbu hamtu worra t'ureesitu iraa deebisa. Duuba akanaani worri gumi tiyya tae aninileeni Waaqa worraa taha. Nami dubbi tana jed'e ana, AABBO Waaqa gudda.

Nuhufi Danielifi Ayubu

¹² AABBO Waaqi na yaame waan nani jed'e,

¹³ Namicha, yo lafti toko ch'ubbu tolchite naraa gorte, anini harka kiyya d'eereefad'e sagale iraa kute, oola iti buuse, namafi saa isiile ch'ufa fit'a.

¹⁴ Ato Nuhufi Danielifi Ayubu, jari kunini saaddeeni achi jiraatele, dansumti worraa worruma ch'alla baafti. Nami dubbi tana jed'e ana, AABBO Waaqa.

¹⁵ Yokhaani anini bineensa ala, ka worra suni fit'u iti erge, bineensi sunini lafa suni ch'ufa balleese, namileeni sodaa keesaa bahu dad'aba.

¹⁶ Ammalle ato worri sunini sadeenu arti jiraatele haga anini AABBO Waaqi guddaani jiru imbaasu. Worri lubbu ufi ch'alla baasa, ammo laftileeni badde ona taati.

¹⁷ Yokhaani anini had'iisa lafa sunitini d'ufe woraana hama namaafi saa hobaasu iti erga.

¹⁸ Ammalle ato worri sunini sadeeni arti jiraatele haga anini AABBO Waaqi guddaani jiru — jari kunini dandae ilmaani ufi imbaasu, lubbu ufi male.

¹⁹ Yo ammalle anini ch'iisa d'ukuba hama lafa sunitini d'ufe dallansu keesa namaafi saala hobaase,

²⁰ ato Nuhufi Danielifi Ayubuleni arti jiraatanile — jari kunileeni dandae ilmaani worrale imbaasu. Dansumti worraa lubbuma worra ch'allaa baafti.

²¹ Wonti AABBO Waaqi guddaani jed'u tana: Anini worra Yerusalemu waan hamtu afuri ka worra balleesa iti erga — woraana, beela, bineensa ala, d'ukuba — aka namaafi saale ch'ufa akuma takaa balleesu.

²² Yo nami bahe ilmaani ufile baasu jiraate, yo worri siti gad'ufe worra laali. Aka worri ch'ubbicha ilaali, ammalle aka gaargali anini worra Israelitini d'ufe suni worraa male, tanaani beekhi;

²³ duuba aka anini waan kana ch'ufa d'uga gula tolche beeta. Nami dubbi tana jed'e AABBO Waaqa gudda.